Kuier by ’n plaaslike markie

Die Hermanuspietersfontein Food & Wine-markie se jolige atmosfeer en kerkbasaarpryse lok mense van regoor die land. Wanneer laas het jy ’n R2pannekoek geëet?

“Ons kry mense wat al die pad van Kaapstad af kom vir die Thai-hoenderpasteie,” sê Anika de Goede, Hermanuspietersfontein se puik skakelbeampte. “En vanoggend het ’n ou van Pretoria hier ingehardloop voordat ons oopgemaak het en gesê hy kan nie teruggaan Gauteng toe sonder sy perlemoen nie.”

Sit onder ’n sambreel en teug aan ’n glas plaaslike wyn, of snuffel deur die stalletjies en bestel ’n hoenderpastei (R25), ’n paar oesters (R15 elk) of ’n jaffel (R20). Jy kan ook gourmetkase, gerookte vleise, ontbytrolletjies en smoothies koop. Waar? Wine Village, op die hoek van die R43 en die R320. Kontak 028 316 1875;

hpf1855.co.za/market Wanneer? Saterdae van 9 vm.-