Trap op ’n enkelspoorpaadjie
Hier is ’n paar puik bergfietsroetes in die vallei wat wissel in afstand en moeilikheidsgraad: van die maklike Groenroete (5 km) tot die kuitbreker Swartroete (35 km).
Die paadjies is ’n kombinasie van grondpaaie, tweespoor- en enkelspoorpaadjies wat tussendeur fynbos en wingerde vleg.
Op die langer roetes trap jy al die pad teen Rotaryweg bo Hermanus op, met uitsigte oor Walkerbaai. Waar? Koop jou permit by Euodia Cycles in die Wine Village, by die kruising van die R320 en die R43. Koste Dagpermit: R50 per volwassene; R25 per kind. As jy gereeld hier kom, kry ’n jaarpermit vir R450 per volwassene. Kontak Euodia Cycles 028 316 2119; Wine Village 028 316 3988; hermanus adventures.co.za/trails
– Jon Minster