Stap tussen die fynbos

Die stapgids Frank Woodvine het vir meer as 40 jaar in bosbou gewerk en is ’n amateur-botanis, en so amper-amper is ’n nuwe plantspesie na hom genoem. (Dis ’n lang storie...) Hy leer jou selfs woordrympies om plante se wetenskaplike name mee te onthou: “Tie-my-laces – Thymelaceae.”

Die Fynbosstap, wat by die Bouchard Finlayson-kelder begin, is nie moeilik nie, maar dra liefs jou tekkies of stapstewels. Die stappies kan ook aangepas word by die fiksheidsvlak van jou groep.

Proe ná die tyd van Bouchard Finlayson se uitsonderlike wyne, saam met ’n deli-bord van kaas, brood, neute, olywe, biltong en salami. Waar? Die Bouchard Finlaysonwynplaas is sowat 6 km van die R43 af. Wanneer? Maandag tot Saterdag: 9 vm. Bel Frank vir alternatiewe vertrektye. Koste R245 per volwassene vir die stap, deli-bord en wynproe; R145 per kind jonger as 12; R195 per kind tussen 13 en 18. Kontak 028 312 3515;

bouchardfinlayson.co.za (Besprekings is noodsaaklik.)

>