MALAWI

Ons steek die grens tussen Zambië en Malawi sonder teëspoed oor. Die enigste haakplek om by die meer uit te kom is die hoofstad, Lilongwe, se verkeer – wat vererger is deur beurtkrag en uitgedoofde verkeersligte.

By Chembe Eagles Nest is daar net twee ander groepe kampeerders en al twee dié voertuie het CA-nommerplate! Ons maak dadelik vriende met ons bure, Julie en Keith Tame, en besluit oor ’n paar Kuche Kuche-biere om die volgende dag die koste van ’n bootvaart na die nabye Thumbi-Wes-eiland te deel.

Die vaart is onvergeetlik: Ons snorkel saam met duisende kleurryke visse en swem na ’n verlate strand terwyl gewone boskraaie en bontvisvangers by ons verby swiep. Daar gekom, berei ons gidse ’n fees voor van gebraaide kampangovis, rys en ’n bredie van tamaties en uie met ’n effense byt.

Ons sluit die dag af met ’n besoek aan ’n

MAAK VAS DIE TOUE (heel bo). Die stormwolke op die horison bo die Malawimeer was die eerste teken van ’n windstorm wat die gebied die volgende oggend sou tref. HELP ’N BIETJIE DAAR (bo). ’n Ander Suid-Afrikaanse gesin moes die Currells se voertuig...