Ek en die oseaan

De Hoop-natuurreservaat, Wes-Kaap

Die De Hoop-natuurreservaat, rofweg tussen Waenhuiskrans en Witsand aan die Suid-Kaapse kus, is een van Suid-Afrika se mees onderskatte berskermde gebiede. Dis ’n merkwaardige plek met ’n uiteenlopende ekostelsel wat die see, kuslyn, duine en berge insluit. Hier’s selfs ’n varswatervlei, wat belangrik is vir voëlbewaring. En dis veral bekend as die plek waarheen honderde suidelike noorkapperwalvisse elke lente kom om hulle kleintjies te kry en soog.

Scott het dié foto laat een middag geneem toe hy ’n toeris op ’n rots gesien het wat vir vriende op die strand waai. ’n Swerm seemeeue het op net die regte oomblik verby gevlieg.

Canon 5D Mk. II; 100-400 mm-lens; sluiterspoed 1/3 200ste van ’n sekonde; lensopening f5.6; ISO 200. >