WAAR BLY EK?
Jembjo’s Knysna Lodge
Verblyf in Knysna kan duur raak, en ’n backpackers soos Jembjo’s is ’n bekostigbare alternatief. Dit is sentraal en jy kan stap na die waterfront en Thesen-eiland. Koste Dubbelkamers vanaf R450 p.n. vir twee mense, tot R750 p.n. vir ’n en suite-gesinskamer. Waar? Koninginstraat 4 Kontak 044 382 2658;
jembjosknysnalodge.co.za
Buffelsbaai-woonwapark
Die wind kan hier tier, maar sodra dit gaan lê, is hierdie een van die beste kampplekke in die kontrei. Dis op ’n kaap; dus kan jy tot teenaan die rotse kamp, en jy kan na die strand stap. Koste Pryse wissel van R300 p.n. vir 2 mense in die wintermaande, tot R690 p.n. vir 2 mense in die Desember-skoolvakansie. Waar? Walker-rylaan, Buffelsbaai. Kontak 044 383 0045;
buffalobay.co.za
Diepwalle-kampdekke
Slaap hier met jou tent onder ’n blaredak in die Diepwallewoud.
Elke houtdek het plek vir ’n driemantent en is toegerus met ’n braaiplek, afdakkie, kragpunte en eetplek. Koste Vanaf R190 p.n. vir 2 mense, R76 p.p.p.n. ekstra. Waar? Diepwalle-bosboustasie Kontak 044 302 5606;
sanparks.org
Woodbourne Resort
By die Woodbourne Resort is selfsorgchalets, en as jy in die oggend jou gordyne oopmaak, loer ’n Knysna-loerie dalk vir jou. Koste Kamp vanaf R200 p.n. vir twee mense buite seisoen tot R500 p.n. vir twee mense in die spitsseisoen. Chalets vanaf R500 p.n. vir twee mense buite seisoen tot R1 600 p.n. vir 4 mense in spitsseisoen. Waar George Rex-rylaan Kontak 044 384 0316;
woodbourne.co.za
Knysna Houseboats
’n Huisboot is ’n unieke manier om die Knysna-strandmeer te verken. Ná ’n vinnige inligtingsessie kan jy self jou boot bestuur. Koste Pryse wissel tussen R1 550 p.n. vir twee mense buite seisoen tot R3 500 p.n. vir twee in spitsseisoen. ’n Minimum van twee aande moet bespreek word. Waar By die Turbine-hotel op Thesen-eiland. Kontak 044 382 2802;
knysnahouseboats.com
Cliffhanger Cottages
Twee van Cliffhanger Cottages, Cliffhanger en Cliffedge, is gebou op die rand van ’n ravyn. ’n Derde kothuis, The Hedge, het ’n uitsig en ’n tuintjie. Koste Pryse vanaf R730 p.n. vir twee mense. Waar The Surfboard, Rheendalpad. Kontak 044 388 4696;
cliffhangercottages.co.za
Nieu Wherry Meadow
Hier is vier kamers, elkeen met ’n omheinde tuin. As jy vir ’n paar dae die woude rondom Millwood wil verken, kan jy jou basis hier maak. Koste Kamers vanaf R600 p.n. vir 2 mense. Waar? Draai van die Reenendalpad af by die Bibby’s Hoek-Jubilee Creek-bordjie. Draai ná 1,2 km links by Leeuwenbosch Estate. Die gasteplaas is aan jou regterkant ná 500 m. Kontak 083 785 9338;
nieu-wherry.co.za
Nog verblyfopsies
Gaan na visitknysna.co.za vir nog verblyfopsies of besoek die dorp se toerismeburo by die Knysna-inkopiesentrum in die Hoofstraat. Kontak 044 382 5510