VOORAF
Sê jou sê – bl.12 Kyk hier – bl. 18 Nuus – bl. 20 Veldfeite & Aftrekplek – bl. 22 Groot getalle & Sterreweg – bl. 24 Ons gesels met – bl. 25 Ontmoet die skrywer – bl. 26
Ek en my vriend Hennie Storm is kranige voëlkykers en amateurfotograwe, en was gelukkig genoeg om plek te kry in die gewilde aasvoëlskuiling (inlas) in die Giants Castle-natuurreservaat in die Drakensberg – ons moes ses maande vooruit bespreek! Dié reservaat huisves ’n bevolking van die skaars en bedreigde baardaasvoël. Met ons besoek het ons ook rooiborsjakkalsvoëls en kransaasvoëls gesien. Selfs ’n opportunistiese rooijakkals of twee het kom gesig wys.
Die hoogtepunt was toe ons sien hoe ’n paar baardaasvoëls in die lug baklei, en ek hierdie foto kon neem.
Die verblyf in Giants Castle se ruskamp was puik. Hierdie ervaring is beslis boaan my lys van spesiale oomblikke in die natuur.
ZIES VAN ZYL, Vanderbijlpark