Kom kamp saam met die Weg- redaksie in die Slanghoekvallei naby Rawsonville

WAAR? DWARSBERG TROUT HIDEAWAY, RAWSONVILLE, WES-KAAP

8-10 SEPTEMBER 2017 KOSTE Basiese koste R950 p.p. vir die hele naweek. Bespreek jou plek en bring jou eie woonwa of tent teen geen bykomende verblyfkoste nie.

OF KIES EEN VAN DIÉ VERBLYFOPSIES: *Kothuis +R1 300 p.p. vir die hele naweek (verskeie kothuisopsies is beskikbaar – vra wanneer jy bespreek) *Basiese tent +R1 350 per tent (2 mense) vir die hele naweek (sluit 2 matrasse in) *Middelslag-tent +R2 250 per tent (2 mense) vir die hele naweek (sluit in: 2 beddens met beddegoed, ’n bedkassie en 2 kampstoele) *Luukse tent +R4 950 per tent (2 mense) vir die hele naweek (sluit in: 2 beddens met beddegoed, ’n bedkassie, 2 kampstoele en ’n storthokkie)

WAT IS NOG INGESLUIT? Versnaperinge en wyn (Vrydagaand) Ontbyt albei oggende Geskenksakkie Vermaak Werkswinkels en sekere aktiwiteite Vermaak vir die kinders PROGRAM VRYDAG Wynproe/skemerkelkies. Kampvuurstories saam met Toast, Erns en Sophia, wat oor hulle vele reise op ons vasteland gesels.

Peuselhappies word bedien.

SATERDAG Opsionele oggend-aktiwiteite:

Stap deur fynbos saam met ’n kenner van fauna en flora, of geniet die vars berglug op jou fiets. Onthou om jou kamera en verkyker in te pak!

Jy het ook die opsie om saam met Bundi Adventures op die Breërivier te roei – dit kos R450 per volwassene en R350 per kind.

Opsionele middag-aktiwiteite:

90 minute lange fotografiesessie. Leer jou kamera beter ken saam met ons fotoredakteur, Shelley. Hier’s jou kans om terugvoer te kry op van die foto’s wat jy op die stap geneem het!

SATERDAGAAND

Die hele gesin neem deel aan ons opwindende potjiekoskompetisie – lekker pryse te wen.

Musiek deur ons eie sanger/ liedjieskrywer/reisskrywer/kartograaf François.

SONDAG

Toast en François bied ’n ontbytwerkswinkel aan oor wat jy moet weet as jy ’n Botswana- of Namibiëvakansie reël.

Tyd vir ’n laaste koffie en beskuit saam voor ons huiswaarts keer.