WAT BEDREIG VIRUNGA SE VOORTBESTAAN?
Die Virunga- nasionale park is in een van Afrika se mees onstabiele lande. Rebellemagte – die nadraai van die Kongo se burgeroorloë, en ook Rwanda se onrus in die 1990’s – gebruik die park as basis vir terreuraanvalle. In 2007 het ’n “houtskoolmafia” ’n berggorillafamilie uitgewis. Hulle idee was bloot: Sonder berggorillas sal die park minder buitelandse ondersteuning ontvang; dus sou hulle makliker bome kon plunder. Die park word ook bedreig deur moontlike olieontginning.