WAT SÊ DIE LESERS?
Hier is wat ons Facebookvriende oor Pilanesberg sê:
Esmé Tenner Die geriewe en die paaie is effe sleg. Maar die diere is volop en maklik om te kry. Dis heel lekker as ’n mens net ’n kort rukkie kuier.
Fires van Vuuren Daar is ’n lawaaierige sjebien net buite die Manyane-ruskamp. Jy hoor glad nie meer die natuur nie. Die diere is wel volop. Besoek eerder die park as ’n dagbesoeker.
Marjo Rooseboom Die hoofpad tussen die Bakubungen Bakgatlahek is baie sleg, maar die park bly een van my gunsteling-wegbreke. Ons het onlangs in die safaritente by Manyane gebly en die diens was puik.
Manie Prinsloo Ek bly in Rustenburg en gaan so gereeld as moontlik. Die wildlewe is ongelooflik. Sommige paaie is sleg, maar die diere vergoed dubbel en dwars daarvoor.
Francois Lubbe Die geriewe het die laaste jare baie agteruitgegaan. Die Mankwe Gametracker-gidse ( mankwe gametrackers.co.za) is wel tops. My gaste gaan dikwels saam hulle uit en die wildbesigtiging is uit die boonste rakke.
Alida Viljoen Die hele park – selfs die wild – lyk moeg.
André van Wyk Dis ’n wonderlike plek, en ’n mens sien baie wild. Die Manyane-ruskamp is nie te sleg nie; net die sjebien pla ’n bietjie. Ek sal beslis weer gaan.