BAKGATLA
Die kamp is heelwat stiller met ’n winkeltjie, restaurant en swembad waarin jy kan oefen vir die Olimpiese Spele. Dit lyk onversorg en die blouape voer ’n skrikbewind.
KAMPPLEK Hier regeer die grasse en bossies. Daag vroeg op vir ’n staanplek met ’n boom – hier is net ’n paar. Elke staanplek het ’n braaidrom. Die badkamers en kombuise is oud maar skoon. Koste Staanplek: vanaf R200 p.n.; vanaf R210 met krag (slaapplek vir 6 mense). Staanplekke word nie toegewys nie en jy kies self jou plek.
CHALETS Die webblad waarsku vooraf: “Our accommodation in Pilanesberg does not crowd you with unnecessary frills...” Van buite af lyk dinge lank in die tand, maar binne is alles netjies. Die volledig toegeruste chalets het ’n dubbelkamer en ’n dakkamer met drie enkelbeddens, en ’n braaiplek buite op die stoepie. Dis skakelhuise; hou dus duim vas jou bure is stil mense wat meer hou van blokkiesraaisels as brandewyn. Koste Vanaf R2 400 p.n. vir 2 mense (slaapplek vir 5 mense). Die prys sluit ontbyt in. Kinders jonger as 12 bly gratis (hulle betaal net R65 per kind ekstra vir ontbyt).
Die safaritente by Bakgatla is gesluit tot verdere kennisgewing. Golden Leopard Resorts het sekere tye van die jaar spesiale aanbiedinge – gaan na
goldenleopardresorts.co.za