Sampioen-enpestopasta
Vir 4 Voorbereityd 5 minute Gaarmaaktyd 15 minute As ek die aand min lus is vir kosmaak, maak ek dié pastagereg. Dit is een van ons fotograaf Myburgh du Plessis se gunstelinge.
Jy benodig
• 250 g sampioene, gekap • 3 eetlepels botter • gemaalde swartpeper na smaak • sout na smaak • 3 knoffelhuisies, fyngekap • 1 flessie (125 g) pesto van
jou keuse • 4 eetlepels roomkaas • 250 g pennepasta • 1 wiel feta
Só maak jy
1 Braai die sampioene oor ’n redelik hoё hitte in die gesmelte botter tot sappig en goudbruin. Geur dit met swartpeper en sout en roer die knoffel daarby.
2 Kook intussen die pasta volgens die instruksies op die pakkie in soutwater tot al dente.
3 Dreineer die water, maar hou 2 eetlepels wat jy saam met die roomkaas en pesto deur die pasta meng. Roer dan ook die sampioene daarby in. Breek die feta in groot brokke bo-oor. Laat staan vir 2 minute met die deksel op, en skep dan dadelik op.