Kom leer beter foto’s neem saam met Weg en Mpafa op een van vier 2018-fototoere.
In 2018 neem Weg en Mpafa Travel se fototoere jou na die kanale van die Okavango, die duine van die Namib, die blomme van die Weskus en die bergspitse
van Lesotho. Die toerleier is ’ n ervare avontuurgids en natuurbewaarder en ’n professionele fotograaf toer saam. Kom beleef die heel beste wat
Afrika bied én verbeter jou fotoneemvaardighede en -selfvertroue.
LESOTHO
Die toer begin in die Oos-Kaap – ons ry deur die Maluti’s op tot in Lesotho – en eindig as ons met die Sani-pas terugry tot in Suid-Afrika. In die laatsomer is Lesotho vol mooi groen kosmos, waterstrome en watervalle. ’n 4x2-voertuig met goeie grondvryhoogte is goed genoeg.
WANNEER?
HOE LANK IS DIE TOER?
7 dae, 6 nagte
HOEVEEL KOS DIT?
R11 650 p.p. (Formele verblyf; en suite- of private badkamers)
NAMIB/SOSSUSVLEI/ ETOSHA
Van Lüderitz na Kolmanskop, Sossusvlei, Swakopmund, die Spitzkoppe, Damaraland... en al die pad tot in Etosha: Dié 14 dae lange toer neem jou na van Namibië se onvergeetlikste bestemmings – almal ideale plekke vir klassieke foto’s!
WANNEER?
HOE LANK IS DIE TOER?
14 dae, 13 nagte
HOEVEEL KOS DIT?
R19 650 p.p. (Formele en tenteverblyf)
TRANS-BOTSWANA
Hierdie fotosafari begin in sentraal-Botswana by Kubu-eiland op die Makgadikgadipanne en eindig by Kasane/Chobe in die noorde ná ons tot in Namibië se Caprivistrook gereis het en by die Zambesirivier en die Victoriawaterval gaan draai het.
WANNEER?
HOE LANK IS DIE TOER?
11 dae, 10 nagte
HOEVEEL KOS DIT?
R14 950 p.p. ( Verblyf in tente)
RICHTERSVELD/WESKUS
Ons begin by Vioolsdrift langs die Oranjerivier. Vroeg in September is ons dalk nog gelukkig om die Namakwaland se blomme te sien. Nadat ons die Richtersveld se oeroue berge ook beleef het, reis ons weswaarts tot by die Weskus en dan suid tot by Doringbaai.
WANNEER?
HOE LANK IS DIE TOER?
12 dae, 11 nagte
HOEVEEL KOS DIT?
R15 950 p.p. ( Verblyf in tente)