FOTOPORTEFEULJE

Sam Reinders wys ons die vele gesigte van die ikoniese Swartbergpas

Die 27 km lange Swartbergpas tussen Oudtshoorn en Prins Albert is een van die indrukwekkendste stukke bouwerk ter wêreld: Dis is ’n grondpad wat 1 583 m bo seespieël sigsag met van die mooiste uitsigte om elke haarnaalddraai. Dié pas is die werk van die meesterpadbouer Thomas Bain, wat ook Meiringspoort en talle ander passe in SuidAfrika gebou het. Dis in 1888 voltooi, en van die handgepakte klipmuurstene is steeds in plek. Die Swartbergpas is ’n nasionale gedenkwaardigheid en dele van die omringende bergreeks’ n Unesco-Wêreld erfenis terrein.

Op 9 April vanjaar het ’n fratsvloed ’n deel van die pas aan die Prins Albert-kant weggespoel. Dit sal maande – dalk jare – neem om te herbou aangesien die pas aan Unesco-standaarde sal moet voldoen om Bain se styl na te volg. Hopelik sal ’n enkelbaan aan die einde van die jaar oop wees.

Sam Reinders is ’n vryskutfotograaf en voormalige fotoredakteur van Weg. Haar ouers woon op Prins Albert en sy ry dus die pas gereeld. Dié foto’s is oor 13 jaar geneem en vier die verskillende gesigte van die pas en die omliggende landskap.

‘Tussen jou en my…’

Meer as 120 miljoen jaar gelede het skuiwende tektoniese plate veroorsaak dat die rotse waaruit die Swartbergpas bestaan, vou, frommel en uit die aarde verrys. Vandag is die reeks ’n natuurlike skeiding tussen die kaal vlaktes van die Groot-Karoo en die groener Klein-Karoo.

Hierdie foto is geneem naby die bopunt van die pas, waar dit ongeag die seisoen altyd mistig is.

HOE? Canon EOS 5D Mk. III; 24-70 mm-lens; sluiterspoed 1/640 van ’n sekonde; lensopening f8; ISO 1 250. >