DIRK BEZUIDENHOUT

van Pretoria skryf: Ek het dié nimmersat afgeneem langs die Choberivier in Botswana. Volgens ons gids kry die nimmersatte se veredos die uitsonderlike pienk kleur net in broeityd?

Die voëlkenner PROF. PETER RYAN antwoord: Die gids is reg: Die nimmersatte is aan die begin van die broeiseisoen in hulle broeiverekleed. Die rooi kleur van hulle gesigte is ook helderder. Die kopvel kan ook verder terugtrek, wat nog meer die helder kleur van hulle gesig beklemtoon. Die mannetjies en wyfies kry die pienk tint. ’n Karotenoïed-basispigment veroorsaak die pienk kleur, wat afkomstig is uit die dieet van die ooievaar. Dit is dus ’n teken van goeie gesondheid in albei geslagte.