KAREN HARRIS

van Amanzimtoti skryf: Ek het dié kleurryke ruspe teëgekom op my skoonouers se plaas naby die dorpie Kranskop. Hulle het die boom bykans van blare gestroop! Watse ruspe is dit?

Die insekkenner DUNCAN MACFADYEN antwoord: Dankie vir die mooi foto, Karin. Dis die larwe van die kiepersol-pouoogmot, Bunaea alcinoe. Dis ’n groot mot met ’n vlerkspan van 162 mm. Soos die naam aandui, vreet die larwes hoofsaaklik kiepersolbome, maar ook bergboegoe-, beesklou- en essenhoutbome.

Hulle kom meestal voor in die Bosveld, maar is sensitief vir uiters koue weersomstandighede. Ek het hulle egter al in Pretoria teëgekom.