Suidelike Drakensberg na die Transkeise Wildekus

Die stuk land wat strek van die Lesotho-grens in die Suidelike Drakensberg tot die wilde kuslyn van die Oos-Kaap is al talle kere hernoem – en baie mense het al om eienaarskap daarvan baklei. Kom saam met

Weg en ontdek dié mooi gebied, wat ook ryk is aan geskiedenis. Die reis neem ons van Rhodes na die Transkeise Wildekus. Gaan na mpafa.com vir die volledige reisplan.

DIE TOERPRYS SLUIT IN

• ’n Toerleier en veldgids • Alle verblyf • Alle parktariewe • Drie heerlike etes per dag • Beddegoed en handdoeke • Tweerigtingradio’s

WAARVOOR SORG EK?

• ’n 4x2 met goeie grondvryhoogte en ’n ewenaarslot is piekfyn, asook ’n sportnutsvoertuig met ’n viertrekstelsel • Brandstof • Drankies en snoepgoed • Persoonlike toerusting

TOERINLIGTING

Datums 10-16 Maart 2018 Hoe lank is die toer? 7 dae, 6 nagte.

Van waar vertrek die toer? Rhodes, Oos-Kaap. Eindpunt Lusikisiki, Oos-Kaap.

Waar slaap ons? Beach-lodge-en-gastehuis. Prys R12 950 p.p. (30% ekstra vir enkelbesprekings)

DIE TOER IN ’N NEUTEDOP

Dag 1 Ons kry mekaar laatmiddag by die Walkerbouts Inn op Rhodes.

Dag 2 Ons verken die valleie in die omgewing en ry ook verby die Tiffindell-ski-oord.

Dag 3 Ons mik na die Wildekus, en gebruik agterpaaie om Mthatha se besige verkeer te systap. Ons bly die volgende twee nagte in die Ocean View-hotel op Koffiebaai.

Dag 4 Ons span uit by Hole in the Wall.

Dag 5 Ons roete neem ons al langs die Wildekus verby Port St. Johns en Lusikisiki. Ons laaste twee nagte bring ons deur in ’n private lodge naby die Grosvenor-wrak.

Dag 6 Vandag gaan ons baie sien! Ons gaan na die Magwa-teeplaas, Magwa-waterval, Angel-waterval en die oorblyfsels van die skip die Grosvenor. Op pad hou ons ook stil by ’n kolonie kransaasvoëls.

Dag 7 Ná ontbyt groet ons... tot volgende keer.