Energiebolletjies
Die gewone dadelbolletjie kry ’n bietjie skop met matchapoeier, een van die sogenaamde superkosse. Die bolletjies is ook ewe lekker daarsonder.
Matcha is niks anders nie as groenteepoeier, en jy sal dit by die meeste gesondsheidswinkels aantref.
In die plek van die matcha kan jy eksperimenteer met enige ander superbestanddele wat ’n mens by ’n ontbytsmoothie gooi – soos rou kakaopoeier, spirulina of macapoeier.
Jy benodig
• 2 koppies (200 g) gerolde hawermout • 1 koppie pampoensaad,
fyngekap • 1 koppie dadels, gekap • ¼ teelepel seesoutvlokkies • 2 eetlepels matchapoeier • ½ koppie tahini (’n sesam
saadsmeer) • 4 eetlepels rou klapperolie • 1 koppie Rice Krispies (of die gesondheidswinkel se onversoete weergawe)
Só maak jy
Voorverhit die oond tot 160 ºC. Voer 2 bakplate uit met bakpapier. Bak die hawermout en pampoenpitte vir 15 minute – roer albei halfpad.
Meng die helfte van die dadels met die helfte van die pampoenpitte. Voeg die sout, matchapoeier, tahini en klapperolie by. Pols dit in sarsies in ’n voedselverwerker tot goed gemeng.
Meng dit met die res van die dadels, pampoenpitte en die hawermout en Rice Krispies. Rol die mengsel in bolletjies. Voeg nog klapperolie by as die bolletjies sukkel om te bind. Bêre dit in ’n lugdigte houer buite die yskas vir tot een week.