Krugergids in die kol
Ek en my vrou, Rosemarie, het onlangs in ’n ryhuis van suid na noord deur die Kruger gery. Ons het net vyf nagte in die park deurgebring en gereken met ’n ryhuis sou daar meer tyd wees vir wildkyk, want ons sou nie die beslommernis hê van tent op- en afslaan nie.
Ons het Weg se 2017 Krugergids aangeskaf vir die vakansie. My vrou het die stories en wenke hardop gelees terwyl ons ry – die gids was elke keer in die kol. Soveel so dat ons later nie eens meer gewik het nie; ons het net gedoen wat die gids voorstel!
NORBERT HANNWEG, Pretoria