Groot getalle

Maak seker jy doen jou deel om ons visspesies te beskerm en raadpleeg SASSI (Southern African Sustainable Seafood Initiative) se lys van toegelate spesies vóór jy vis koop of in ’n restaurant bestel. Spesies word ingedeel in drie kategorieë:

groen = die beste opsie, dié visbevolkings is veilig en word goed bestuur (byvoorbeeld ansjovis, calamari en stokvis)

oranje = dink twee keer; die spesie is moontlik onder druk (byvoorbeeld harders, seekat en rooiroman)

rooi = moenie koop nie (byvoorbeeld galjoen, geelbek en Weskuskreef)

1 Laai die gratis SASSI-app af vir jou Android- of Apple-foon (in Google Play en die App Store).

2 Kyk op die webblad ( wwfsassi. co.za) wat die status van die spesies is.

3 Stuur ’n SMS met die naam van die vis of seekosspesie na 079 499 8795 om inligting oor dié spesie te kry.

Bronne wwf.sassi.co.za; WWF-verslag: Oceans facts and figures: Valuing South Africa’s ocean economy