HOU DIE MUSKIETE SÓ WEG
Dra ’n langbroek en langmouhemp en selfs sokkies saam met jou sandale. Koop klere van ’n ligte materiaal wat maklik lug deurlaat, soos ’n katoenhemp en linnebroek sodat jy nie langs die kampvuur sit en sweet nie.
Jou hande, nek, gesig en enkels gaan waarskynlik steeds uitsteek – jy móét insekweerder op hierdie dele van jou lyf smeer. Middels met natuurlike bestanddele soos sitronella of sitroengras word gewoonlik as “gesonde” of “veilige” alternatiewe beskou vir middels wat chemikalieë bevat. Maar wees gewaarsku: Hulle is nie naastenby so doeltreffend nie.
As jy na’ n malaria gebied reis, móét jy’ n insek middel gebruik wat D EET( oftewel di etiel metatolueen a mied, die mees algemene bestanddeel in insek weermiddel s) bevat, iets soos Ta bar dof Peaceful Sleep. En net soos sonroom, moet jy dit elke nou en dan weer aansmeer.
Gebruik Vital Protection-spuit op materiale soos klere, gordyne en beddegoed. (’n Mens kry dit onder meer by outdoorwarehouse.co.za) Steek ’n muskietspiraal of ’n sitronellakers aan. Die dampe hou insekte weg en is veilig vir mense. Tabard gaan jou ongelukkig net vir ’n rukkie beskerm, en daarom móét jy in ’n malariagebied onder ’n muskietnet slaap. >