Moenie dat ’n slegte batterystelsel jou vakansie bederf nie

Andre van Vuuren is ’n toergids by Fly Africa Safaris met meer as 18 jaar se toerervaring in Afrika. Hy het al meer as ’n duisend voertuie oor die grens gelei, tot so ver as Uganda, en het al aan baie dubbelbattery-stelsels, diepsiklusbatterye en laaiste

Ek het tegnologie sien ontwikkel van ’n koelboks met droë ys tot ’n yskas wat direk aan ’n voertuig se hoofbattery gekoppel is. Toe het solenoïedstelsels die mark oorgeneem en vandag het ons voertuie met slim alternators, absorberende glas-mat-(AGM-) batterye en – beste van alles – DC-tot-DC-laaiers.

Mense stry al jare lank oor watter verdeelde laaistelsel die beste is, maar met die nuutste alternator- en batterytegnologie, moet ons erken dat solenoïedtegnologie ’n bietjie outyds is. Dit het die mark baie jare goed gedien, maar DC-tot-DClading is die toekoms.

Die meeste voertuie het nog ’n ouer loodsuurbattery as die hoofaansitbattery en die alternator is ontwerp om dié battery te laai. Maar met die gebruik van ’n “intelligente laaistelsel” kan die eenheid geprogrammeer word om spesifiek meer gespesialiseerde ekstra batterye (AGM, loodkalsium, of jel) te laai.

Dis belangrik om te onthou dat ’n battery net ’n opgaartenk is en nie die doeltreffendheid van die stelsel sal beïnvloed nie. Die belangrikste faktore is die doeltreffendheid van die laaistelsel en die toestand van die battery. Hoewel rytyd ook ’n rol speel, is dit nie so belangrik soos die ander twee faktore nie. ’n DC-tot-DC-laaier sal altyd die tweede battery tot by 100% laai – dieselfde kan nie van ’n solenoïedstelsel gesê word nie. ’n Solenoïedstelsel sal aanvanklik ’n ontlaaide battery vinniger laai tot by ’n sekere punt, maar dit sal nie die batterystatus kan herstel en dit tot volle kapasiteit herlaai nie.

Dis besonder belangrik om die regte laaimetode te gebruik. As die verkeerde laaimetodes gebruik word, kan dit daartoe lei dat jou batterye voortydig onklaar raak of dat daar permanente batteryskade is.

Die InterVOLT DCC Pro DC-DC- laaistelsel het streng toetse in Afrika ondergaan en dit het tot indrukwekkende resultate gelei. Die grootste voordeel is die eenheid se vermoë om teen 20%-sterkte te werk by temperature tussen 50 °C en 85 °C. (Alle ander laaiers in die kategorie skakel af by 50 °C.) Dit bly ook doeltreffend tot by ’n werkende humiditeit van tot 98%.

Die DCC Pro het verskeie eienskappe met uitstekende voordele:

Die eenheid het ’n IP67-gradering, met ongeëwenaarde temperatuurwerklewering. Dit kan veilig onder die voertuig se masjienkap ingesit word, in ’n stof- en waterbestande huls.

Die eenheid het ’n binnekajuitskerm sodat jy die battery se werkverrigting van die gemak van die bestuurdersitplek af kan sien.

Jy kan twee individuele laaiers op een skermpie dophou. Die ingeboude MPPT-sonkragbe-heerder sorg vir optimale lading in die son. Die eenheid sal AGM-, jel-, diepsikluskalsium- en loodsuurbatterye reg laai. Die eenheid werk met die nuwer “slim alternators” wat tans beskikbaar is, en sal ware 25 amp-lading verskaf.

Hierdie revolusionêre laaistelsel word in Australië gemaak vir die taai toestande van die Outback en Afrika. As ’n selfstandige krag-omskakelingseenheid, benodig jy geen aanpassing aan jou voertuig se oorspronklike bedrading nie en geen veranderinge word aan die vervaardiger se elektriese stelsel gemaak nie.

As dit eers geïnstalleer is, het die stelsel geen instandhouding nodig nie, en al die nodige inligting word binne-in die voertuigkajuit vertoon. Baie ander handelsname wys net die battery se stroomspanning; maar die InterVolt se skerm gee ’n onmiddellike aanduiding van die laaitempo, huidige verbruik en die laaifase.

Die vermoë om meer as een eenheid aan die vertoonskerm te koppel is ongehoord in die bedryf. Om tot vier batterye op een slag te monitor, laat die gebruiker toe om batterye in ’n sleepwa of boskaravaan in stand te hou terwyl jy ry.

WAT IS MY AANBEVELING?

Ek sou ’n oorvloeide natsel-diepsiklusbattery kies, soos die Discover Mixtech EMX. (Kry dit by ’n goeie batteryhandelaar sodat dit reg geïnstalleer word en vir waarborgdoeleindes.) Dié soort battery is heelwat as ’n droësel-EV-traksiebattery en sal net so goed werk as dit aan ’n InterVOLT DCC Pro DC-DC-laaistelsel gekoppel word. Die laaistel is beskibaar by Opposite Lock en verskeie 4x4-handelaars.