Guide to Birds of the Kruger National Park

Ek het al lank my oog op dié voëlgids. Dis die helfte dunner as ’n volledige voëlgids – 224 bladsye vergeleke met ander gidse wat meer as 450 bladsye lywig is.

Dis heelwat makliker om te blaai tot by daai swart-en-wit voëltjie (’n sneeubal). En dis ligter om op ’n staptog saam te dra.

Maar die veer in die hoed van die gids is die Krugerspesifieke inligting soos dat die skaars bosuil net langs die Luvuvhurivier gesien kan word. En as jy ’n reusereier tussen die riete langs die Sabie- en Krokodilrivier sien, kyk twee keer, want dit kan ’n rooireier wees, wat dieselfde lyk en daar voorkom. R220 by takealot.com >