Stanley-koffiemakers
Hoe maak jy vriende in die kampterrein? Haal jou vlekvryestaal-dompelkoffiekan uit en bied vir die ouens met die Ricoffy-poeier ’n koppie regte koffie aan. Stanley het twee modelle: Een is ’n dompelkoffiekan waarmee jy moerkoffie langs die kampvuur kan maak vir ses mense. Hulle het ook ’n stel wat ’n kleiner kan, warmfles en twee koppies insluit. Die hele toetie pas in mekaar om ruimte te bespaar en is klein genoeg om in ’n dagrugsak te pas. Kan ek al twee kry, asseblief? R950 by outdoorwarehouse vir die koffiemaker, R1 200 by yuppiechef.com vir die stel.