First Ascent Lunar-staptent

’n Goedkoop tent is ’n duur kopie... ’n Vrot tent gaan gou lek of die ritssluiters gee die gees of die seile skeur en dan gaan jy in elk geval elke jaar ’n nuwe een moet koop. Belê dus eerder in ’n duursame tweemantent.

Dié tent slaan nie op in drie sekondes nie, maar vereis ook nie drie uur se gestoei om terug in die sak te pas nie. Toe ek langs die Oranjerivier in dié tent wakker geword het, was ek 20 minute later al op die pad. En opgevou is hy kleiner en ligter (net 2,6 kg) as ’n vrou se handsak – net reg vir die volgende avontuur in die berg. R2 200 by outdoorwarehouse.co.za