On Your Bike Geological Wonders of Namibia
deur Chris en Tim Whitfield, Tafelberg deur Anne-Marie en Michel Detay, Struik Travel & Heritage
“The Earth teaches us more about ourselves than all the books in the world.” Só word Antoine de Saint-Exupéry, skrywer van Die klein prinsie, aangehaal op die eerste bladsy van Geological Wonders of Namibia – ’n visuele viering van ons buurland se geologie.
Wat die boek veral interessant maak, is dat die hoofstukke chronologies ingedeel is: Jy begin hierdie tydreis 13,8 miljard jaar gelede toe die oerknal plaasgevind het. Daarvandaan reis jy deur Namibië se geologiese geskiedenis tot by die 20ste eeu en leer meer oor meteoriete (soos die Hobameteoriet buite Grootfontein), die Visriviercanyon, fossiele, vulkane en natuurlik die ontstaan van die Namibwoestyn.
Dis ’n toeganklike boek met puik foto’s wat Namibië se geologie vir enigemand wat belang stel in ons Aarde se ontstaan, sal ontsluit.