Hummus met kekerertjies

Vir 6 Voorbereityd 15 minute Gaarmaaktyd 5 minute Versier doodgewone hummus met brosgebraaide kekerertjies en granaatpitte vir hierdie mooi voorgereg. Jy kan ook jou eie versiersels bysit – rooiuitjies, groenolywe of pistasieneute. As jy by die huis is en tyd het, kan jy natuurlik self die hummus maak.

Jy benodig • 2 eetlepels olyfolie • 1 blikkie (410 g) kekerertjies,

gedreineer • 1 teelepel paprika • ½ teelepel sout • 400 g hummus • ½ koppie granaatpitte • ½ koppie pieters ielieblare,

fyngesnipper

Só maak jy

1 Verhit die olyfolie in ’n pan en braai die kekerertjies, paprika en sout daarin totdat daar geen vloeistof in die pan oor is nie en die kekerertjies ’n karamelkleurige doppie begin vorm het. Laat dit eenkant afkoel.

2 Skep die hummus eweredig op ’n groot bord uit en gebruik ’n teelepel om ’n paar konsentriese sirkels daarin te trek.

3 Vul die “slootjies” van die sirkels met kekerertjies en granaatpitte en versier dit met die pietersielie. Sprinkel nog olyfolie oor die hummus en sit dit dadelik met beskuitjies voor.