Bespreek nou jou plek vir ’n 2018-toer saam met Weg en Mpafa Travel deur Botswana en die Caprivi

Ontdek Afrika op sy wildste saam met Weg en Mpafa Travel – die Makgadikgadipanne, die Okavangodelta, Tsodiloheuwels, die BwaBwata- nasionale park en Mahango-wildreservaat, die Victoriawaterval én die Chobe- nasionale park.

TOERINLIGTING

2018: 19-29 April; 28 Junie-8 Julie; 6-16 Augustus; 15-25 September

Hoe lank is die toer?

11 dae, 10 nagte

Van waar vertrek die toer? Nata, Botswana Eindpunt? Kasane, Botswana Waar slaap ons? Formele verblyf. Hoeveel kos dit? R23 950 p.p. (30% bybetaling vir enkelpersone).

DIE TOERPRYS SLUIT IN • Beddegoed en handdoeke • Drie etes per dag • Alle verblyf • Alle parkgeld • Tweerigtingradio’s • ’n Toerleier en veldgids WAARVOOR SORG EK? • Jouself en jou gesin • Julle paspoorte • Enige 4x2 met ’n goeie

grondvryhoogte • Brandstof • Stoele • Drankies en snoepgoed • Persoonlike toerusting • Grenspostariewe

DIE TOER IN ’N NEUTEDOP

Dag 1 Ons ontmoet by die Nata Lodge en geniet die sonsondergang by die Makgadikgadipanne.

Dag 2 Die groep verken Maun en omgewing met ’n opsionele vlug oor die delta.

Dag 3 Van naby Sepupa neem motorbote ons na ’n huisboot op die Okavangodelta, waar ons twee nagte deurbring.

Dag 4 Gaan op ’n mokorovaart op die delta of vang tiervis.

Dag 5 Ons keer terug na die voertuie en ry na die rotskuns by die Tsodiloheuwels. Ons steek die grens oor na Namibië.

Dag 6 Ons besoek die Mahangowildreservaat, wat spog met meer as 300 voëlspesies en bekend is vir die troppe bastergemsbokke en swartwitpense.

Dag 7 Ontspan by die kamp. Ons sluit die dag af met ’n sonsondergangvaart op die Okavango.

Dag 8 Ons ry deur die Caprivistrook op na Kasane. Dag 9 Ons besoek die Victoriawaterval.

Dag 10 Ons gaan op ’n wildrit en bootvaart op die Choberivier in die Chobe- nasionale park.

Dag 11 Dis tyd om te groet.