KOM ONS VAT DIE PAD!
Namakwaland, Richtersveld en Suidelike Namibië
Het jy al die Namakwalandse blomme of die ooptes van die Richtersveld gadegeslaan? Of die wilde perde van die Namib of Kolmanskop gesien? Het jy al afgetuur in die dieptes van die
Visriviercanyon? Reël vandag jou verlof en gaan op reis met Weg se toervennoot!
TOERINLIGTING
Datums 20-29 Augustus 2018 Hoe lank is die toer? 10 dae, 9 nagte Van waar vertrek die toer? Kamieskroon, Namakwaland Eindpunt? Aussenkehr, Namibië Waar slaap ons? Formele en suite-verblyf Koste R19 845 p.p. (30% bykomend vir enkelbesprekings)
WAARVOOR SORG EK?
• Enige 4x2 met ’n goeie grondvryhoogte en ewenaarslot (ook brandstof en grenspostariewe) • Drankies en snoepgoed • Kampstoele • Julle paspoorte • Persoonlike toerusting
AVONTUURTOERREISPLAN
DAG 1 Ons avontuur begin naby Kamieskroon en ons gaan kyk na die daisies in die Skilpaddeel van die Namakwa- nasionale park. Ons ry deur die park en gaan by die Soebatsfontein uit en ry deur Koingnaas en Kleinzee. Ons slaap 2 nagte op McDougallsbaai, suid van Port Nolloth.
DAG 2 Vandag verken ons Alexanderbaai en leer meer oor die diamantbedryf. Ons ontmoet ook boere van die omgewing en besoek die bekende ligeneveld naby die Oranjerivier.
DAG 3 Ná ontbyt mik ons na die Richtersveld. Ons ry deur onder meer Lekkersing, Eksteenfontein en Kuboes. Ons bly twee nagte by Sendelingsdrift. DAG 4 Die groep bring die dag deur in die mooi Richtersveld- nasionale park. DAG 5 Ons steek die grens na Namibië oor met ’n veerboot oor die Oranjerivier en ry oor Rosh Pinah na Aus. Ons gaan draai ook by die wilde perde. DAG 6 Ons ry tot op Kolmanskop waar ’n gids ons rondwys. Ná middagete besoek ons Lüderitz. DAG 7 Volgende mik ons na die Sperrgebiet en besoek Pomona en die Bogenfelsrotsboog (dis vir jou eie sak). Ons bly twee nagte oor in Lüderitz. DAG 8 Ons ry binneland toe na die Visriviercanyon en stop by die Hobas-uitkykpunt. DAG 9 Ná ’n paar uur by die Ai-Ais-warmwaterbron mik ons na die Norotshama Lodge op die oewer van die Oranjerivier.
DAG 10 Huistyd. Ná ontbyt groet ons.