Toer saam na Zambië en Malawi
Kom saam met ons en die span van Bhejane op ’n onvergeetlike reis deur die hart van Afrika.
LET WEL Hierdie reis is ontwikkel in samewerking met een van ons spesialisgidse Paul Wigley. Ons reis van Livingstone, Zambië via die Luangwa- nasionale park na die Malawimeer. Op die terugreis na Livingstone sal jy die Kafue- nasionale park besoek. BHEJANE IS VERANTWOORDELIK VIR Alle kampgeld. Alle parktoegangsgeld. Alle geadverteerde aktiwiteite. Alle tente, eetgerei en breekgoed. Drie maaltye per dag. Koffie en tee terwyl jy in die kamp is. Professionele toerleiers en gidse. Tweerigtingradio's
JY IS VERANTWOORDELIK VIR Jou voertuig en brandstof. Jou eie matras/kampbed en beddegoed. Opvoustoele. Drinkgoed en versnaperinge vir tussen maaltye. Reisversekering en mediese versekering wat voorsiening maak vir noodontruimings. Grensposgeld en padbelasting.
HOE LANK IS DIE TOER?
16 nagte, 17 dae
WANNEER?
2-18 Junie 2018
WANNEER?
R24 650 p.p.
DAG 1
Ons ontmoet mekaar by Kamp Nkwazi, net buite Livingstone. Teen die tyd dat jy aankom, sal die tente reeds staan en die bossjef se maaltyd op die kole wees.
DAG 2
Vergeet van laat slaap. Ons is vroeg uit die vere en val in die pad ná ’n stewige ontbyt. Bhejane sal jou toerus met ’n tweerigtingradio voor ons na Lusaka vertrek. Ons slaap in Lusaka onderweg na die SuidLuangwa- nasionale park.
DAG 3
Ons ry verder noord en slaap oor by ’n kamp net buite Chipata.
DAG 4,5 & 6
Dit is een van die topreservate in die wêreld. Die kamp is langs die oewer van die Luangwarivier. Van hier af sal ons die park teen ons eie pas in ons eie voertuie verken (ons ry nie in konvooi nie). Ons beveel aan dat jy ’n GPS met Tracks4Africa saambring.
DAG 7
Vandag steek ons die grens na Malawi oor en slaap in Lilongwe. Besoek gerus die ou stadsmark met sy heerlike atmosfeer, waar jy vrugte, houtprodukte en Afrikalap kan koop. Ons sal ook hier voorraad aanvul voor ons na die Malawimeer vertrek.
DAG 8, 9 & 10
Ons vertrek vroeg en ná ’n halwe dagreis deur ’n mooi omgewing sal ons die oewer van die indrukwekkende Malawimeer bereik. Maak jou tuis – ons gaan twee dae en drie nagte hier oorbly. ’n Sonsondergang-bootrit is by die toerprys ingesluit.
DAG 11 & 12
Ons begin suidwaarts reis vir ons besoek aan die Kafue- nasionale park.
DAG 13 & 14
Kafue is een van die mees onderskatte parke in Afrika. Dit is die oudste en grootste park in Zambië en nog taamlik ongerep. As jy hier ry, voel dit vir jou of jy in die wildernis is. Ons slaap twee nagte by die Kasabushi-kamp op die oewer van die Kafue. ’n Twee uur lange bootrit op die rivier is ingesluit.
DAG 15
Vandag reis ons na die Nanzhila-vlakte. Dié vlakte is vol wild en voëllewe. Die kampterrein is by ’n watergat geleë. Jy kan dus rondry as jy wil, of sommer net by die kamp sit en wild kyk.
DAG 16
Ons ry vandag na Livingstone, waar ons vanaand vir oulaas saam eet.
DAG 17
Ná ’n stewige ontbyt groet ons.