Jellievisse in die wildtuin?
Daar gaan baie meer in die wildtuin aan as net die voëls en diere wat jy en jou gesin te siene kry.
Navorsers het ’n interessante spesie die eerste keer hier opgemerk :’ n varswater jellievis! Dié spesie i sal op ander plekke in Suid-Afrika opgemerk, maar nog nooit in die wildtuin nie. Die jellievis seis in maalgat poele in sandsteen rotsformasies by die Red Rocks in die Shingwedzirivier gekry – sowat 20 km wes van die Shingwedzi-ruskamp.
Hierdie piepklein jellievisse is skyfvormig en slegs sowat 1-2 cm in deursnee, met tentakels van verskillende lengtes. Die DNS moet nog ontleed word, maar dit is waarskynlik
Limnocnida tanganjicae. Dis meer algemeen in mere verder noord in Afrika.
Die ontdekking in Oktober 2016 was toevallig, vertel dr. Izak Smit (op foto bo), ’n wetenskapbestuurder by Sanparke. “Ek en ’n paar kollegas was op ’n staptog tussen die Shingwedzi- en Olifantsrivier en het ’n blaaskans langs die poele geneem toe ek ’n jellievis raaksien. Ek het die ander geroep en hulle ongeloof is gou met verbasing vervang nadat ek die eerste jellievis in my koffiebeker gevang het!”
Izak is twee weke later terug om van die jellievisse in te samel vir die navorsingsversameling by Skukuza. Dis die eerste keer dat ’n spesie uit die Cnidaria-hoofgroep in die wildtuin ontdek word. Dié groep bestaan uit onder meer jellievisse, anemone en koraal, en het duisende seespesies, maar net sowat 40 varswaterspesies.
“Om ’n varswaterjellievis in die wildtuin te ontdek, in een van die knellendste droogtes op rekord vir die Suid-Afrikaanse Laeveld, wys hoe die natuur dikwels op geheimsinnige wyses te werk gaan – en nog baie geheime het wat ontdek kan word,” skryf navorsers in San parke se 2016- navorsingsverslag.
Nog inligting Lees hierdie en ander navorsingstories in Sanparke se 2016- navorsingsverslag. Dis aan lyn beskikbaar by sanparks.org/ c onse r vat i o n/ re port s/ re se a r c h_ re port. p h p