Wat sê die Weg- span?
As ons werk, reis ons. As ons vakansie hou, reis ons. En as ons nie reis nie, dink ons aan ons volgende reis. Die Weg- span deel hulle gunstelingplekke oorsee.
Pierre: Japan Dit voel vir jou jy’t op ’n ander planeet geland, êrens in die toekoms. Asof jy in ’n Power Ranger- animasieprent is. Ek’s mal oor die kos, die rituele, sy geskiedenis, die orde en die tegnologie, maar ook die natuurskoon as jy buite die groot stede verken.
Esma: Kroasië Dis nie te duur nie en ’n mens kan verskeie veeldagroetes stap in die Dinariese Alpe ( Dinaric alps) en op van die eilande. Ons kan mos maar lewe van tweeminuutnoedels saam met ’n Ožujsko, ’n klassieke Kroatiese bier. Toast Ek was al vlugtig in Argentinië en Chile, maar sal graag meer van dié lande wil sien, veral verder suid, daar waar Patagonië sy koue, bergagtige vinger in die see steek.
Vania Jooste (Vania kom pas van Viëtnam af.) Ek hoop my volgende oorsese vakansie vat my Griekeland toe - ’n land met soveel geskiedenis en soveel mooi. Die Parthenon, Akropolis van Athene en veral die eiland Santorini wag v.
Lynne: Nieu-Skotland Ek was al daar, maar daar is nog vele meer wat ek wil sien. Dit het ’n wilde
kuslyn, dus kan ’n mens heel jaar branderplank ry. En as jy taai genoeg is, is daar hope roetes vir stap én fietsry in die somer.
Ek wil al die papagaaiduikerkolonies sien, en die eiland verken. En dan het ek nog geen boetiekbiere geproe nie...
Suzaan Ek was in 2013 in Turkye en sal enige tyd weer soontoe gaan. Lekker kos (en Turkish delight!), interessante kultuur en geskiedenis en dis nog relatief bekostigbaar. Verder droom ek van ’n vakansie na die Yellowstone- en Yosemitenasionale park in Amerika. Ek wil staan op daai plekke wat lyk soos ’n rekenaar se desktop- agtergrond!
Ashwill: Mosambiek het van die puikste duikplekke in die wêreld en dis gewild vir die lekker seekos. En ek wil graag die mooi tropiese eilande sien.
Martinette: Ierland en Skotland is boaan my lys. Ek het ’n sagte plekkie vir ’n groen golwende landskappe, kastele en ek hou van die folklore en kultuur. Van Edinburg na Dublin en die Loch Ness-monster en dwergies… daar is so baie wat ek wil sien.
Gerda Engelbrecht. Ysland het in Desember ’n yslike indruk op my gemaak. ’n Droombestemming is die Champagne Valley net buite Parys. Dan sal ek sommer ook ’n draai maak by Mont-Saint Michel.