FOTOPORTEFEULJE
Marcus Jooste se makrofotografie skep ’n droomwêreld met ’n onwaarskynlike held in die hoofrol
Die fotograaf Marcus Jooste het hom van kleins af verkyk aan skoenlappers en ander goggas op hulle plaas in Zimbabwe. Dié belangstelling het later gegroei tot ’n liefde vir makrofotografie, met sy kamera wat soos ’n vergrootglas die wêreld in die kleine oopsluit.
Uiteindelik het een nederige ongewerwelde al hoe meer die kollig begin steel – ’n gewone tuinslak met die naam Vincent. ( Vincent het reeds sy buiging in
Weg #133 gemaak.) Marcus skep ’n towerwêreld waarin Vincent die hoofkarakter is. Dis haas g’n maklike taak om dié byna sprokiesagtige tonele te skep nie – hy doen dit met goed soos sampioene, blare en blomme, en gee dan lewe daaraan met verskillende beligtingstegnieke.
“Ek streef daarna om soveel as moontlik met die kamera self reg te kry,” sê Marcus, wat net klein verstellings in Lightroom aan goed soos skerpheid en kleur maak. “Ek beskou myself as ’n fotograaf, nie as ’n digitale kunstenaar nie.”
Hy pluis eers dae lank ’n storielyn uit en bou noukeurig die stel – soms binnenshuis en soms buite in die tuin. Eers as alles perfek is, is dit tyd vir die éintlike ster om op die verhoog te verskyn... >
SAAMGESTEL DEUR