WAAR SLAAP EK?
Soek-’n-Slapie het verskeie opsies in drie gerestoureerde selfsorghuise in Kerkstraat wat wissel van ’n drie- tot ’n sesslaapkamer – perfek vir ’n groep vriende wat saam deur die Karoo toer. Die kamers is dubbel en en suite, en elke huis het ’n paar braaiplekke om van te kies. Koste R700 p.n. vir 2 persone (R400 enkel) Kontak 083 775 0529;
soeknslapie.co.za
Die Williston B&B (Gotzstraat) het drie slaapkamers in die huis (een dubbel- en die ander twee enkelbeddens elk), sowel as drie selfsorg-buitekamers (een met ’n koningsgrootte- en die ander met twee enkelbeddens elk). Koste Vanaf R200 p.p. wat deel. Ontbyt kos R80 p.p. Kontak 053 391 3069; 072 074 0919
Die Ark in Hodgsonstraat het verskeie gastekamers op die perseel wat ook die Naudé’s se woonhuis en restaurant, die Doppies-kroeg sowel as die Williston Mall-snuisterywinkel insluit. Dis ook waar die jaarlikse Williston-winterfees gehou word – van 30 Augustus tot 1 September is die joligheid sommer óp jou voorstoep, met musiek, ’n dans, ’n draadkar-grand prix en stalletjies. Koste Blyplek kos R380 p.p. (met ontbyt) en ’n feeskaartjie vir die naweek R300 p.p. (gratis vir kinders jonger as 18) Kontak 053 3913 659
Hawthorne Country House B&B in Theronstraat is ’n gerestoureerde dorpshuis met twee dubbelkamers en ’n gedeelde badkamer. Koste R180 p.p.p.n. (ontbyt ekstra) Kontak 053 391 3603; 082 342 4144 (Shirley Muzerie)