VARKTJOPS MET CLEMENGOLD, HEUNING EN ROOSMARYN
Dié maaltyd is maklik om te maak – op die stoof of oor die kole – en ideaal vir die naweek.
RESEP
Hierdie varktjops is eenvoudig, lekker en bekostigbaar – dis ’n naweektreffer wat jy weer en weer sal maak. Die soet, taai heuning-en-ClemenGoldmarinade is veelsydig genoeg dat jy ook hoendervlerkies daarin kan marineer of ’n oondhoender maak.
Jy benodig
4 ClemenGold-mandaryne ½ koppie heuning ¼ koppie witwynasyn sout en peper ’n knippie rissievlokkies (opsioneel) 8 varktjops vars roosmaryn
Só maak jy
1 Druk die sap van die 4 ClemenGold-mandaryne uit en rasper die skil. Sit die sap, skil en vleis in ’n groot bak. Klits die heuning, asyn, sout en peper en rissievlokkies (as jy dit gebruik) daarby tot gemeng.
2 Sit die varktjops in ’n diep bak of groot oondsak. Gooi die ClemenGold-mengsel bo-oor, voeg van die roosmaryn by en laat dit oornag marineer.
3 Verwyder die varktjops uit die marinade.
4 Verhit ’n kastrol oor matige hitte. Skink die ClemenGoldmarinade daarin en verhit dit totdat dit stroperig is.
5 Verhit ’n groot riffelpan totdat dit baie warm is en maak die varktjops in sarsies gaar, terwyl jy dit met die ClemenGold-sous bedruip. (Of braai die tjops oor warm kole sodat die vet sis.)
6 Bedien saam met vars roosmaryn en ClemenGold-skil en bykos van jou keuse (soos kapokaartappels en oondgeroosterde groente).