Mooi het nie grense nie

Sonsopkoms oor die Kunenerivier, met Namibië aan die regterkant en Angola aan die ander kant.

Dis nie maklik om na die noordwestelike hoek van Namibië te reis nie. Jy kan ’n duur huurvlug reël tot by die landingstrook in die Hartmannsvallei, of jy kan langs dié “pad” daar uitkom – mits jy ’n toegeruste 4x4 en ’n paar avontuurlustige vriende het.

Jou beloning is ’n landskap sonder weerga, waar berge en duine bymekaarkom met die groen slangetjie van die Kunene tussenin. Buiten ’n paar afgeleë Himba-nedersettings is hier nie ander mense te sien nie. Dis een van die mees afgesonderde plekke op aarde.

HOE? Nikon D810; 16-35 mm-lens; sluiterspoed 0,6 sekondes; lensopening f14; ISO 200; saamgestel uit drie foto’s. >