MAG EK TREINTJIE-TREINTJIE SPEEL?

Dit is nie onwettig om ’n sleepwa agter jou woonwa te haak nie. Die wet is egter verwoord om voorsiening te maak vir vragmotors en trekkers wat meer as een sleepwa sleep. Wanneer jy die regulasies ten opsigte van rybewyse, die bruto kombinasiegewig en die remstelsel van die sleepkombinasie in ag neem, raak dit tegnies baie moeilik om so ’n treintjie wettig te bestuur.

Om, sê maar, ’n Jurgens Penta én ’n Venter-sleepwa saam te sleep geld die volgende vereistes:

Sleepvoertuig:

Die tarra van die sleepvoertuig moet meer as 2 ton wees. (’n Land Cruiser kwalifiseer, maar nie die Nissan Champ wat jy by jou oupa geërf het nie.)

Rybewys:

Jy moet ’n EC1-rybewys hê (of dan ’n kode 14 wat voor 1998 uitgereik is.)

Sleepwa:

Die Ventertjie agter die woonwa sal ook met spesiale remme toegerus moet word.