La Voz de Galicia (Ferrol) - La Voz de Galicia (Ferrol) - Especial1
XUNTA DE GALICIA
Acordo do 06 de xullo de 2018 da Xefatura Territorial da Consellería de Economía, Emprego e Industria da Coruña, polo que se somete a información pública a solicitude de autorización administrativa previa, a declaración de utilidade pública, en concreto, e a necesidade de urxente ocupación que iso implica, a autorización administrativa de construción, o proxecto sectorial de incidencia supramunicipal e o estudo de impacto ambiental do proxecto da L.A.T 220 kV Campelo-Meson, nos concellos de Carballo, Carral, Cerceda, Coristanco, Ordes e Tordoia (A Coruña), (exp.IN408A 2018/14).
En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia; no Real Decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, de 9 de decembro de Avaliación Ambiental; na Lei 10/1995, do 23 de novembro, de ordenación do territorio de Galicia; no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal; e demais normas vixentes de aplicacións, sométese a información pública a solicitude relacionada coa instalación que se describe a continuación: Solicitante/Promotor: Greenalia Power, SLU
(NIF - B70501473)
Enderezo social: Praza María Pita, nº 10 – 1º - 15001 A Coruña Denominación do proxecto: L.A.T. 220 KV CAMPELO-MESÓN
Municipios afectados: Concellos de Carballo, Carral, Cerceda, Coristanco, Ordes e Tordoia (A Coruña)
Orzamento: 7.753.149,64 € Obxecto: Co fin de evacuar a enerxía xerada polos parques eólicos proxectados de Campelo (IN661A 2011/16), Bustelo (IN408A 2017/002) e Monte Toural (IN408A 2017/017), proxéctase unha liña de alta tensión con un tramo aéreo e outro soterrado de 220 kV e 38.122 m de lonxitude total con inicio no apoio nº 1 máis próximo á subestación do parque eólico de Campelo proxectada (IN661A 2011/16) e final na subestación de transporte existente de Mesón do Vento de Red Eléctrica de España.
Características técnicas das instalacións do proxecto:
-LATA a 220 kV simple circuíto dúplex, de 36.840 m, condutor tipo LA-455 Al, con orixe no apoio n.º 1 proxectado, inmediato á subestación do parque eólico de Campelo proxectada (IN661A 2011/16), e final no apoio n.º 109 proxectado. Os apoios proxectados son do tipo celosía de aceiro.
-LATS a 220 kV, de 1.282 m, condutor tipo RHZ1-RA+2OL (AS) 127/220 2x(1x630) Al, con orixe no paso A/S do apoio n.º 109 proxectado e final na posición prevista na Subestación Mesón do Vento de transporte.
Obxecto da información pública:
• A Autorización Administrativa previa, a declaración de utilidade pública, en concreto, e a necesidade de urxente ocupación que iso implica, a autorización administrativa de construción, o proxecto sectorial de incidencia supramunicipal e o estudo de impacto ambiental das instalacións. Esta declaración de utilidade pública levará implícita, de acordo co artigo 56 da Lei 24/2013, a necesidade da urxente ocupación, para os efectos da expropiación forzosa, dos bens e dereitos afectados necesarios para o establecemento destas instalacións.
• O estudo de impacto ambiental.
• O proxecto sectorial de incidencia supramunicipal.
O que se fai público para o coñecemento xeral, así como, en particular, dos propietarios dos predios e demais titulares afectados que figuran na relación concreta e individualizada de bens e dereitos afectados no anexo que se insire a este Acuerdo, e as persoas que, sendo titulares de dereitos reais ou intereses económicos sobre os bens afectados, fosen omitidos, para que poidan examinar o Proxecto de Execución, Estudio de Impacto Ambiental e Proxecto Sectorial de Incidencia Supramunicipal correspondentes ás instalacións da L.A.T. 220 kV Campelo – Mesón, durante un prazo de quince (15) días, que comezarán a contarse a partir do día seguinte ao da última publicación ou notificación individual deste acordo, nas dependencias da sección de Enerxía desta Xefatura Territorial da Coruña da Consellería de Economía, Emprego e Industria, sita na rúa Vicente Ferrer, núm. 2-2º andar, 15071 A Coruña, así como nos concellos de Carballo, Carral, Cerceda, Coristanco, Ordes e Tordoia (A Coruña), e presentar as súas alega- cións no citado prazo de quince (15) días. O Estudio de Impacto Ambiental estará tamén dispoñible, durante o mesmo prazo, nas dependencias da Xefatura Territorial da Coruña da Consellería de Medio Ambiente e Ordenación do Territorio.
O proxecto da L.A.T. 220 kV Campelo-Mesón foi declarado de interese especial polo Consello da Xunta o 26 de abril de 2018, para os efectos da disposición adicional primeira da Lei 8/2009, engadida pola Lei 5/2017, do 19 de outubro. "Esta declaración terá como efectos a tramitación de forma prioritaria e co carácter de urxencia e a redución á metade dos prazos necesarios na instrución do procedemento da autorización administrativa previa e/ou de construción, así como dos prazos na instrución do procedemento de avaliación ambiental que sexa necesario. Así mesmo, reduciranse á metade os prazos necesarios na tramitación do proxecto sectorial".
A Coruña, 6 de xullo de 2018
Isidoro Martínez Arca
O Xefe Territorial da Coruña