Pentatleta txapelduna
XABIER ZALDUA “Pentatloiak erakutsi zuen herri kirolak espektakulo bezala ere eman daitezkeela”
28 urteren ostean bueltatu da euskal pentatloia eta Xabier Zaldua (Zumarraga, 1978) izan da irabazlea. Gustura zegoen lanak amaituta, “espero baino hobeto” aritu zelako Azpeitian eta etxetik zekartzan denborak “hobetu” egin zituelako: “Azkenaldian urduritas unarekin gaizki nenbilen plazan, konfiantzarik gabe, eta berreskuratu egin nuen sentsazio hori”, azaldu du.
Marka txukuna egin zuen, 36:26ko denbora, eta proba guztian zehar eroso eta indarrak orekatuta jardun zuen: “Hasten nuen lan bakoitzean zentratu nahi nuen hurrengoan pentsatu gabe eta oro har buruz inoiz baino hobeto aritu nintzen, ez nuen gehiegi sufritu”, dio Urola Garaiko kirolariak.
Ez ditu alferrik pasa hiru hilabete hitzordua prestatzen, Joxe Antonio Gisasola ‘Zelai’ izan du laguntzen, “bere semea banintz bezala tratatu nau, izugarri lagundu dit”. Astean hirutan entrenatzen zuen harriarekin, bola eta gero gizon proba lantzen zituen Zelairekin; gainontzeko probak, aizkora, txingak eta korrika, bere kabuz prestatzen zituen: “Pentatloiko lana osorik behin bakarrik probatu nuen etxean eta sentsazio oso onak utzi zizkidan”, aitortu du.
Alor teknikoa bakarrik ez, alderdi fisikoa ere ondo zaindu du Zalduak. Durangora joaten ibili da Iker Lo pez prestatzai lea rek in entrenatzera. Mikel Urrutiko etxearen prestatzaile fisikoa da Lopez: “Herri kiroletan kontu hau aldatu egin da pixka bat, garai batean ere baziren prestatzailea, medikuak, dietak etab.ekin ibiltzen zirenak, denak ez jakina, baina gaur egun gehientsuenak gabiltza mundu honetan”, jakinarazi du Zalduak.
Kirol-ikuskizun on bat eskaini nahi zuten larunbat gauean Azpeitiko zezen plazan eta publikoak erantzun egin zuen. Harmailetan mila pertsona inguru, gazte jende asko bildu zen: “Erakutsi zen berez herri kirolak merezi duen errespetua kendu gabe, espektakulo bezala ere eman daitekeela. Sekulako giroa zegoen eta orduarekin asmatu genuela uste dut beldur pixka bat genuen arren, gainera telebistak zuzenean eman zuen… Dena bikain atera zen. Harri handi bat jarri genuen, lehenengoa”, azpimarratu du harro.
Deia luzatu die ordea bi estamenturi,
“instituzio eta federazio aldetik laguntza gehiago” eskatu du: “Kirolariak ere animatu daitezela, grina hori piztu dadila, aurten juxtu ibili gara kopuruz”, onartu du. Dena den, ez du uste urtero egon beharreko zerbait denik pentatloia: “Kontuz ibili behar dugu jendea ez nazkatzeko. Bi urte edo lau urtean behin egin daiteke, buelta batzuk eman behar dizkiogu horri”.
Pena bat ere geratu zaio, Xabier Orbegozo Arria V.aren lesioa, lehia gogorra aurreikusten baitzuen: “Nik irabazita pozik nago, baina gusturago geratuko nintzen berari irabazita. Halere, penarik handiena berak izango du seguruenik, azken momentura arte hor ibili delako pentatloia bultzatzen” adierazi du Zelai eta Arria VI. 19 urteko gazteek burututako lana nabarmen tzearekin batera.
Orain atseden hartu eta burua dagoeneko 2019an du jarrita, aizkoran 1. maila galdu zuen Zalduak eta gorengo maila errekuperatzea da asmoa: “Gaixotasun bat medio txapelketetan bastante pattal ibili naiz aurten, ezin Gipuzkoakoan gozatu eta Euskadikoan nahiko gaizki, ea lehenengo mailara igotzen garen”. Pentatleta txapeldunaren hitzak