Iparraldeko trinketeetan
Billabonakoa da Eneko Maiz, baina Iparraldera joan izan da jokatzera. Iazko abenduan hasi zen Panpi
Ladutxerekin entrenatzen eta apirila-maiatzetik aurrera partidak jokatu zituen bertan: “Astero jokatzen nuen hango bigarren mailako profesionalekin, maila hartzeko balio izan zidan, partida gogorrak ziren denek jokatzen dutelako asko”, azpimarratu du.
Normalean Urruñan entrenatzen zuten, “tarteka” Azkainera,
Panpiren jaioterrira bertaratzen ziren arren. Zentzu horretan, Iparraldearekin alderatuta sekulako zuloa ikusten du Gipuzkoan: “Hemen ez da inor joaten, ez dago erakarpenik. Hara jokatzera joan eta harmailak beteta daude beti. Herri gehienetan dago han trinketea”, onartu du Eneko Maizek.
Orain arte beti Gipuzkoan aritu da Maiz probintziako, Euskadiko eta Espainiako txapelketak jokatzen: “Gipuzkoako txapelketa jokatzen dutenak zortzi gara lehen mailan eta bigarren mailan jende gehiago aritzen da, baina Frantzian lau maila daude bai banaka eta binaka, pilotari mordoa apuntatzen dira”.
Hurrengo urtean Munduko Kopa jokatuko da Parisen, hau Mundiala bezalaxe lau urtean behin jokatzen da eta datorren Munduko Txapelketa Miarritzen jokatuko da 2022an. Bi hitzordu horietan egon nahi du Eneko Maizek