Schnitzelbänk

Dr Burgener will z Indie hinde / dass s mee Pünggt git noo Schbiiler finde / will z Indie hänn die Yygeborne / scho d Pünggt uff dr Schtiirne vorne. Als Schnitzelbangg hesch’s nid eifach zem dir Ruum z’ersinge / bi nur drei Dääg Fasnacht – joo doo kaschs nit zue vyyl bringe. / Statt vo Uftritt zu Uftritt z’renne – s macht eim halber krangg / nenne mir uns s’nägscht Joor eifach Negro Schnitzelbangg. E Handy mit 5G Transfer/ kocht di Hirn im Straalemeer. / Ooh du gails Smaartphonoone, straaal. Duesch in 5G-Wälle groote / duets Tier und Pflänzli broote. / Exit bruucht jetzt niemer mee, / mit 5G duets di nüm lang gee. / Doch mir hän scho wyyter dänggt, / drum hän mir im Trump au so e Handy gschäängt. Mi Diesel isch e Grüüsel gsi, doch meischtens het mr droht / Dass ich am andre Daag nümm gwüsst ha, wo mi Auti schtoht / Drum han i jetz e Tesla, do isch d Suechi nümm dramatisch / Bim Tesla laufsch em Kabel noo, no findschen automatisch. Si, e Neurolog isch e Hirndoggter – und kei Ydiott / und dorum verdient är au drey Mool mee ass e Bundesroot / das heisst ass me bim Organhandel zer Stund / fir 3 Bundesrootshirni 1 Doggter bikunnt. Letscht Friehlig – y ha gmaint, ych spinn / hogge im Zug fascht nur Kardinääl und Pfaffe dinn / Die hänn verzellt, si kääme vo nooch und färn / Und pilgere mit Glaubensgnosse bis uff Bärn / Es syg halt scho e bitzeli d’Luscht wo se alli wuurd styyre / Wenn e huffe «Young Boys» e grossi Party fyyre. Dr Donald Trump hofft uff Vertraue / Wott ney statt Muure, Brugge baue! / Dr Ingenieur – so nimmt me aa / holt ör derfiir us Genua. Nüm ‹Nääger›, ‹Yugo›, nümm ‹Polagge›, / nümm ‹Tschingg› und ‹Schlitzaug› und ‹Kanagge›; / au ‹Sauschwoob› isch e Ladehieter. Was knabb no goht isch ‹Baselbieter›.