L’è Quaresma

di Fausto Boffi

Amico mio, l’è ’l mument da fermas un atim, da pensà cumè sem rivaa al di d’incö e mia dumà scurlà ’l cò, parché la vedum mia inscì, sia par di da no o da mia ves d’acordi. Discmentigem mia che ghè sempru quadün o quaicos che mia dumà i ta punta, ma i ta rüza, i ta obliga.

Una roba l’è certa… sem mia rivaa chi cumè pensavum o vurevum nüm. No, nè sücedü e süced e stavolta mia dumà da tüc i culor, ma anca senza… culor.

Anca la famiglia l’è cambiada. Al pà ghè stai tiraa via “padrone”. I giovan, ma propi quii giovin, quii che i sa, ma i sa mia, i ha però capii che ghè queicos che giöga mia o che giöga più. A part “l’evaporazione” del padre, cumè i ga ciama lor, anca l’educaziun pare che la sia naia in crisi.

I giovan, ma propi quii giovin, quii che i sa ma i sa mia, i ha però capii che ghè queicos che giöga mia o che giöga più… al post da quel che i ga ciamava “discorso educativo” adess ghè rivaa la viulenza.

Quela viulenza süi donn, sia quii ’n ca e quii fö da ca… stüff da ves d’una part mia dumà mamm, ma anca don. Da l’altra mia dumà na godüria, ma anca na dona, na persona.

Se tan disat pö da stu “sovranismo populista” che ma par che al cresa sempru püsee.

L’è mia queicos da nöf anzi. Sem tüc che al fa maa, anca se par tanti al farà anca ben… “giovinezza… vincere”… Stemig atent parché quel che süced da föra al bürla quasi sempru da denta. E la crisi finanziaria che magari bisögna ciamac crisi bancaria? E al Covid? Al terrorismo? E la guera?

Gent che sa masacra giò par pudé che quadün poda di… “inscì ta imparat”… “ta foto vedè mi chi che cumanda.” Sal füdes dumà inscì!

Ta pensat che mi abbia mia capii cusè ghè sottsott?

Guarda che ma regordi quel che è sücedü un quai, anzi tanti an fa.

La grande saggezza è generosa; la piccola saggezza è litigiosa. Chuang Tzu.