Beachd Ailein
CHAIDH na h-uiread de dh’amasan an coileanadh aig cèilidh ann an Taigh- Òsta West End anns a’ Ghearastan Disathairne seo chaidh.
Bha an seòmar- cuirme làn le còrr air ceud gu leth ag èisteachd ri taghadh de shàr sheinneadairean Gàidhlig, agus a’ dannsa ri ceòl den ìre as fheàrr cuideachd.
Dha Joyce agus Seumas Camshron bha an tachartas seo na dhleastanas a gheall iad dha Teàrlach MacColla nach maireann, fear a rinn uimhir thar iomadh bliadhna gus airgead-taice a thogail dha caochladh iomairtean eadar leasachadh na Gàidhlig agus carthannais slàinte.
Bha Teàrlach airson taic a thoirt dha Ospadal Erskine ach gu mì-fhortanach thug tinneas bhuainn e mun deach aige air sin a dhèanamh.
Mar si nb’ ea’ chiad a masai ga’ chèilidh, agus mar chuimhneachan air Teàrlach, airgead a thogail dha Ospadal Erskine a th’ air a bhith a’ toirt aire agus cobhair fad ceud bliadhna a-nise dha fir agus mnathan a bhuineadh dha seirbheisean dìon na Rìoghachd.
Tha mìle neach fo aire an ospadail gach bliadhna an- dràsta agus cha bheag an dùbhlan a th’ aig an ionad an £ 8.8 millean sa bhliadhna a tha an t-seirbheis sin a’ cosg aig an àm seo, a chruinneachadh.
Bha batal uamhasach an Somme a’ dol nuair a chaidh an t- ospadal a stèidheachadh ann an 1916 agus tha iomadh mìle euslainteach air frithealadh agus furtachd fhaotainn bhuaipe bhon uairsin.
Gus ciad amas na cèilidh a choileanadh chaidh taghadh de shàr sheinneadairean is luchd- ciùil fhiathachadh gus luchd-èisteachd a thàladh.
Bha mòran de na seinneadairean sin air a bhith nan dlùth luchd-taice dha Teàrlach nuair a bha e fhèin cho dìcheallach a’ ruith chèilidhean agus a’ togail airgead. Bha ùidh shònraichte aig Teàrlach cuideachd ann a bhith a’ brosnachadh òigridh an lùib ciùil Gàidhlig agus bha e air leth iomchaidh, agus cuideachd na mhisneachadh mòr a bhith a’ cluinntinn òigridh a bha cho comasach a’ gabhail pàirt.
Chaidh tiogaidean na cèilidh uile an reic goirid an dèidh dhan cheann-latha a bhith air fhoillseachadh, a’ dearbhadh an dà chuid an rùn a bh’ aig uimhir a dhaoine cuimhneachadh air Teàrlach, agus cuideachd an cuid aithne air ìre a’ chiùil a bhiodh romhpa.
Cha robh briseadh dùil aig duine aca agus cha chuala mi riamh uimhir a’ moladh tachartas mar ‘a’ chèilidh a b’ fheàrr’ air an robh iad riamh.
Fìor mholadh air an robh an taigh- òsta, an luchd- ciùil, agus an luchd- èisteachd uile airidh.
Bha amas aig Joyce dà mhìle not a thogail dha Erskine, agus aig crìoch na cèilidh bha faisg air dà mhìle gu leth cruinn is beagan fhathast ri thighinn. Bhiodh Teàrlach moiteil da-rìribh! OVER many years the late Charlie MacColl raised thousands of pounds for Gaelic causes and other charities.
And before his untimely passing he was planning a fundraising event for Erskine Hospital.
His close friends Joyce Mathers and Jimmy Cameron honoured Charlie’s memory by organising an outstandingly successful ceilidh in Fort William last Saturday, raising more than £2.500 for Erskine. Congratulations!