Beachd Ailein
MUN ÀM A BHIOS sibh a’ leughadh seo bidh ceann-suidhe ùr air Stàitean Aonaichte Ameireagaidh, tè de na dùthchannan as cumhachdaiche air thalamh.
Dùthaich a tha cuideachd ga meas fhèin mar dhachaigh saorsa agus deamocrasaidh, agus tè a sheasadh na còraichean sin air feadh an t-saoghail.
Le còrr air trì ceud millean de shluagh tha in-imrich thar nam bliadhnaichean air fìor mheasgachadh cultarail a chruthachadh feadh nan Stàitean, ach mar a tha gu mì-fhortanach fìor ann an dùthchannan eile cuideachd, cha do dh’fhàg an t- eòlas ioma- chultarail sin Ameireagaidh saor bho ghràin- cinnidh.
‘S dòcha nach b’ e annas a bh’ ann gun do nochd beagan den sin anns an iomairt ghuinich a th’ air a bhith a’ dol airson dreuchd a’ Chinn-suidhe thar nam mìosan a chaidh.
Ann am beachd eòlaich b’ i seo an t-strì phoilitigeach a bu shalaiche agus bu nimheile a bha riamh anns na Stàitean Aonaichte, agus cha b’ iongnadh ged a bhiodh a’ mhòr- chuid den t-sluagh toilichte an taghadh a bhith seachad.
Ach ‘s neònach gun tig sìth eadar na prìomh thagraichean agus cuid den dlùth luchd-taice, chaidh cus càinidh is droch-bheul a thilgeil eatarra.
An e ladarnas a th’ ann dhòmhsa neo do dhuine sam bith eile taobh a-mach nan Stàitean a bhith a’ toirt beachd air gnothaichean poilitigeach Ameireagaidh?
Aig deireadh cùise ‘s ann aig an t-sluagh mhòr Ameireaganach a bha an co- dhùnadh ri dhèanamh, ged a bhiodh cuid againne ann an dùthchannan eile ga mheas annasach gur iad dithis aig an robh le chèile uimhir de dhroch chliù airson caochladh adhbharan a chaidh an cur air adhart airson na dreuchd as àirde nan dùthaich.
Ach ‘s i seo cuideachd tè de na dreuchdan as àirde agus as cumhachdaiche san t-saoghal, agus sin an t-adhbhar dha daoine air feadh an t-saoghail ùidh a ghabhail anns an taghadh seo, agus theagamh dragh a ghabhail cuideachd.
Tha mòran ann an Ameireagaidh air a bhith ag ràdh anns na meadhanan gum bheil siostam riaghlaidh na dùthcha aca air fàs coirbte agus gum bheil e cus fo smachd bhuidheann beag den aon teaghlaichean agus gun robh taghadh Dhòmhnaill Trump, a bha bho thaobh a-mach na buidhne sin, na dhearbhadh air mì-riarachas luchd-bhòtaidh.
Aig àm sgrìobhaidh seo chan eil fios agamsa de bhuil a bhios air an taghadh, a rèir nan tomhas bheachd tha an taic dha Hillary Clinton agus Dòmhnall Trump an ìre mhath co-ionann.
Ach chan eil teagamh nach fhaicear buaidh co- dhùnaidh mhuinntir Ameireagaidh air margaidean ionmhais an t-saoghail, agus gu ìre air choreigin bidh buaidh aig na gluasadan sin oirnne uile cuideachd. AS I WRITE opinion polls are placing Hillary Clinton and Donald Trump equal in the fight to win one of the world’s most powerful positions.
Reading this, you will know the outcome of what has been described as the bitterest presidential campaign in United States history, and the decision of American voters will impact the world to some degree.
We pray it will be for better.