DIOPLÒMA ANNS NA MEADHANAN GÀIDHLIG

Anns a’ chùrsa seo, gheibh thu cothrom air caochladh sgilean sna meadhanan a leasachadh a tha riatanach airson dreuchd fhaighinn sa ghnìomhachas. Neartaichidh tu na sgilean sgrìobhaidh is labhairt agad sa Ghàidhlig le bhith stèidhichte an dà chuid aig a’ Cholaiste agus anns an àite-obrach. Gheibh thu taic is cuideachadh bho eòlaichean craolaidh aig a bheil eòlas ioma-cuspaireil agus cothrom air na goireasan craolaidh aig Sabhal Mòr Ostaig a chleachdadh.

Tha an cùrsa làn-ùine thar dà bhliadhna, leis a’ chiad bhliadhna stèidhichte aig a’ Cholaiste, agus an uair sin cuiridh an luchd-trèanaidh 10 mìosan seachad air greis-obrach cuide ri craoladair stèidhichte no companaidh riochdachaidh neo-eisimeileach. Tha ìre fastaidh fìor àrd aig luchd-ceuma an Dioplòma, le còrr is 70% a rinn a’ chùrsa seo a-nis a’ dèanamh am beòshlaint anns a’ ghnìomhachais.