Beachd Ailein
‘S NEÒNACH MURA ROBH cuid agaibhse mar mi fhìn a fhuair mòran tlachd a bhith a’ leantainn Farpais Lùth- chleasachd an t- Saoghail air telebhisean thar an t-seachdain seo chaidh. Dhearbh gach farpaiseach toradh an cuid spàirn thar bhliadhnaichean ag obrachadh suas chun na h-ìre seo de dh’fharpais.
Chan urrainn ach aon neach buannachadh ann am farpais agus tha sin a’ ciallachadh briseadh-dùil agus briseadh spioraid dha cuid, mar a chunnaic sinn às ùr anns an fharpais mhòr seo cuideachd.
Ach an robh duine agaibhse a’ faireachadh gun robh saoghal agus feumalachdan chraoladairean an cunnart cus buaidh a thoirt air an fharpais seo?
Tha sinn cho eòlach air a’ phàtran a th’ aig prògraman telebhisein le cathraiche agus sgioba de dh’eòlaichean ann an stiùidio a’ breithneachadh agus a’ fàid head ai reach d air suidheach aid hean de gach seòrsa. Nuair a thig toradh an tachartais co- dhiù tha iad air a bhith ceart neo ceàrr tha tuilleadh còmhraidh ma dheidhinn! Ach ‘s e bha gam fhàgail fhìn beagan tàmailteach dha na farpaisich san deuchainn seo gun robh dùil riutha agallamh a dhèanamh cha mhòr sa bhad a bha iad air an fharpais a chrìochnachadh, agus glè thric ceist ga chur air feadhainn mu carson a chaill iad!
Tha a’ mhòr- chuid de chleasaichean a’ dèanamh farpais leotha fhèin, ag obrachadh daonnan gus an cuid ealantais a leasachadh gu ìre nas àirde, agus tha fhios is cinnt gum bheil a h-uile farpaiseach ann an leithid Farpais Lùth- chleasachd an t- Saoghail gu bhith a’ feuchainn ris an toradh as fheàrr a bhuinnig.
Nuair nach do thachair sin dha feadhainn aca cha b’ iongnadh iad a bhith tàmailteach agus fiù ’s cuid brònach, agus bha mi fhìn a’ faireachadh gun robh stiùiriche a’ phrògraim telebhisein gun fhaireachadh agus ceàrr camara a chumail air aon bhoireannach fad còrr air mionaid is i gu follaiseach a’ rànaich le briseadh- dùil air mar nach deachaidh dhi.
Leis gum bheil na meadhanan a’ cruthachadh tòrr den dùil a tha ga chur an urra ri farpaisich chanadh cuid gum bheil e ladarna dhaibh an uairsin na daoine sin a cheasnachadh fa chomhair an t-saoghail a thaobh carson nach do choilean iad na bha eòlaich a’ sùileachadh bhuapa. Chuir eòlaichean amas eadar sia is ochd bonn fa chomhair Bhreatainn agus Èirinn a Tuath san fharpais seo, ach cha b’ e dìth spàirn a dh’adhbharaich mar a d’fhuair iad am miann.
Ghabh sinn beannachd le Mo Farah agus Usain Bolt bho fharpaisean aig an ìre seo, agus theagamh gun robh mar a thachair anns na rèisean acasan na dhearbhadh gun robh còir aca sgur na bu tràithe? WHILE I enjoyed the television coverage of the World Athletics Championships very much, I felt some of the production to be overly intrusive of competitors.
We all fail on occasion but fortunately we don’t have to explain our shortcomings to millions of television viewers as some athletes were required to do.
And to hold one obviously distressed competitor in vision for about a minute was, to my mind, totally unnecessary.