The Press and Journal (Inverness, Highlands, and Islands)
Angus Macdonald
fheàrr, agus tha sin a rèiste ceart gu leòr. Ach tha e ciallachadh gu feum mi an aon rud a dhèanamh air a làrach eile, 'n uair a gheibh mi thuige. Tha clachan nas motha na laithe air feadh an ionnlainn shìos aig ceann na bàthaich far na sgaoil sinn cuid dhan an talamh a thàinig a bunait a' phìos a chuir sinn a-mach air an tigh. Gheibh mi air feum a dhèanamh dhan an fheadhainn sin, agus tha dòrnagan gu leòr a-mach bho cheann a deas an tighe cuideachd. Feumaidh mi'n uairsin beagan a' bharrachd talamh a chuir dhan a làraich, gus nach bith iad a' coimhead cho falamh, agus airson ùrachadh a thoirt dha na rudan a tha fàs annta.
Chì thu nise rudan a' tòiseachadh a' fàs. Tha duilleagan ùr a' tighinn air na callaidean agus tha feur a' coimhead tòrr nas uaine agus a' fàs fada cuideachd. Tha ùr-fhàs a' tighinn air na craobhan, agus uaireanan 'n uair a sheallas mi ris a' ghàradh, tha mi farachduinn cabhaig a' toiseachadh annam fhìn agus farachduinn gu bheil rudan a' tòiseachadh ag eigheachd gu feum coimhead riutha. Tha i fuar fhathast ged tha agus chaneil a là fada gu leòr airson cabhaig a chuir air a sin, ach tha thu farachduinn nach eil e fad' as. Tha mi coimhead sùilean a' bhuntàta fàs beagan nas motha na laithe as na bucais a's a' bhàthach, ach tha tìde gu leòr ann dhaibhsan fhathast. Tha na h-eòin a' tòiseachadh a' cruinneachadh cuideachd agus iad a' coimhead ri tòiseachadh a' neadachadh, agus tha aon isean ann, tha mi smaoineachadh gur tòcha gur e brù-dearg a th'ann, a tha feadalaich troimh'n an oidhche. Chaneil fhios agam a bheil e air a dhol iomaral, na'n e nach do mhothaich mi dhaibh a' dèanamh a leithid a's na bliadhnaichean roimhe seo. Tha dà starrag timichioll cuideachd. Chaneil mi ro dheigheil orrasan oir tha'd buailteach brath air na h-uain air a bhios iad dha'm breth. Ach gun teagamh tha'd eirmiseach agus furachail. Bithidh mi cuir a-mach rùsgan na lusan a bhios sinn ag ithe, dhan an òcrach a th'agam a's an ionnlainn lusan. Nise tha mi air sùil a thoirt grunn thuruis agus mi dol a-mach agus chaneil sgeul air na starragan. Cha bhith mi càil ach air na rùsgan a thilgeadh dhan an òcrach, 'n uair a' nochdas iad, mun Laurel and Hardy. Co as a tha'd a' tighinn? Agus ciomar a tha fios aca g'eil mi air rud eigin a chuir amach? Nach eil e iongantach g'eil Dia a' dèanamh cinnteach g'eil cothom aig fiughs na starragan fhèin am biadh fhaighinn, a' dearbhadh g'eil a' churam fhathast dha'r cuairteachadh. The Press and Journal | Saturday, March 18, 2017 49