Bile na h-alba: tha PNA a’ tarraing an aghaidh an làin
CHAIDH gluasadan gus barrachd chumhachdan a thoirt do Phàrlamaid na halba a bhótadh sìos aig Westminster an tseachdain seo, a dh’aindeoin rabhaidhean bho gach taobh de Thaigh nan Cumantan gum faodadh mìrùn pàrtaidhean an Aonaidh iarrtas a neartachadh ann an Alba air son neoeisimeileachd.
A’ moladh atharrachadh air Bile na halba 2015 ann an deasbad an tseachdain roimhe, thuirt Sir Edward Leigh, a tha ’na reubaltach am measg nan Tóraidhean, nach dèanadh “rud sam bith nas lugha na fhéinriaghladh” an gnothach gus Alba a chumail san Aonadh agus gun robh e ciallach a réir prionnsabailean a’ phàrtaidh aige fhéin gum biodh Alba fo làn chùram a thaobh an dà chuid cìsean agus cosgaisean. Thug Pàrtaidh Nàiseanta na halba (PNA) taic do dh’atharrachadh Leigh a bheireadh làn chumhachdan do dh’alba air gach nì ach dìon, gnothaichean céin agus peinnseanan cho luath agus a ghabhadh dèanamh, ach thug iad asteach atharrachadh aca fhéin a dh’ionnsaigh làn smachd ionmhasail ceum air cheum, thairis air ùine nas fhaide.
Getà, bhót 298 ball an aghaidh atharrachadh Leigh, 68 air a shon. Chuir 60 taic ri atharrach Aonghas B Macnèill: “Math dh’fhaoidte gum bi cothrom ann air son reifreann eile” adh PHNA, le 309 ’na aghaidh.
Tha am Bile aig ìre chomataidh andràsta, nuair a thig gach facal fo sgrùdadh. Ge bith dé bhios ann aig ceann ghnothaich ean, tha e coltach nach fhaigh Alba am féinriaghladh a gheall buidhnean “Nas Fheàrr Còmhla” ro reifreann 2014. Cha téid buanmhaireannachd Pàrlamaid na hAlba a dhaingeachadh ann an lagh reachdail na Rìoghachd Aonaichte nas motha, a dh’aindeoin bòid pàrtaidhean an Aonaidh anuiridh. Ged a fhuaireadh taic o na Làbaraich gus 271 bhót a tharraing air a shon, bhót 302 ’na aghaidh, a’ sealltainn cho doirbh ’s a tha gnothaichean don Phàrtaidh Nàiseanta agus mórchuid aig na Tóraidhean.
Dh’innis Aonghas Brianan Macnèill, Ball Pàrlamaid nan Eileanan aniar, don cholbh seo: “Bhris Dàibhidh Camshron a’ bhòid a rinn e anuiridh. Ged a chaill sinn a’ bhót tha sinn air an deasbad fhéin atharrachadh gu mór. Tha cuid de na Làbaraich ann an Sasainn a tha bàidheil don chùis againn ach se an siostam fhéin a tha ceàrr. Chan e amhàin am pàrtaidh againne a tha air son atharrachaidhean ach buidhnean eile a tha an sàs le sluagh na halba, leithid Eaglais na halba agus an comataidh aca air beatha shòisealta, a tha ag iarraidh rudeigin nas fheàrr.
“Mur faigh Alba cumhachdan a bharrachd, math dh’fhaoidte gum bi cothrom ann air son reifreann eile.”