Fàd ùr ris a’ chonnadh a chumas an deò ann an spòrs an t-seusain
Tha spòrs na chonnadh cho làidir airson an anama agus gun toir thu thairis no gum fairich thu togail sunnd ann an co-ionannachd. Bidh e a’ cruthachadh chuimhneachain, mhòmaidean ann am beatha teaghlaich air an toirt à eòlas co-cheangailte ri tadhal eireachdail no call duilich, agus bidh spòrs, le uile-eirmseachd shòisealta, chultarach agus phoileataigeach, a’ snìomh seanchas eadar ginealaich, aithrisean agus an gluasad faireachaidh mar dhìleib luachmhoir do chloinn agus oghaichean.
’S e sin as coireach gu bheil sinne ris na bhios sinn a’ dèanamh. Bidh sinn a’ riochdachadh spòrs beò airson telebhisein, a’ glacadh mhòmaidean air leth pearsanta agus cudromach san dualchas air am bi daoine a’ cur a leithid de mheas. Aig amannan bidh luchd-amhairc a’ call am misneachd, ach bidh iad cuideachd a’ cumail chùisean matha nan cuimhne a thuilleadh air na làithean dorcha.
Is ‘sinne’ Nemeton TV, companaidh riochdachaidh telebhisein agus Eadarlìn stèidhichte ann an Waterford agus Glaschu. Tha riochdachadh spòrs san DNA againn agus, bhon oifis againn ann an Dùn Gharbhain, bidh sgioba sgileil na companaidh a’ siubhal na h-èireann a’ craoladh a’ Pro 12 agus a’ GAA tro mheadhan na Gaeilge. Bhon t-seusan seo tha e na urram dhuinn a bhith ag obair an Alba, a’ riochdachadh cha mhòr 200 uair de spòrs gach bliadhna tron Ghàidhlig airson BHBC ALBA. Bidh an càirdeas ùr seo a’ daingneachadh mòran de na freumhan cruthachail eadar Alba agus Èirinn – cànan, spòrs agus telebhisean.
Tha na prògraman spòrs aig BBC ALBA uabhasach tarraingeach. A bharrachd air a bhith mionaideach mu dhealbhachadh nan geamaichean, a’ dèanamh cinnteach gum bi an luchdamhairc a’ faicinn gach gluasad agus dràma aig àrd-inbhe theignigich, bheirear sùil chuimseach air sgeulachdan a bhios a’ gluasad air falbh bho chòmhradh beachdail agus mion-sgrùdadh gus aire a chur air daoine anns na coimhearsnachdan ann an aithrisean aig leth-ùine.
Mar BHBC ALBA, tha sinne a’ faicinn spòrs mar dhòigh air sgeulachd innse, agus bho thoiseach an t-seusain seo, thairis air ball-coise, rugbaidh agus camanachd, bidh e mar eileamaid chudromaich dhuinn leudachadh a dhèanamh air sgeulachd na seanail innse air-loidhne, a’ togail mun cuairt air an tachartas fhèin. Nuair a bhios spòrs BHBC ALBA air an èadhar, bidh teaghlaichean agus daoine fa leth a’ gabhail pàirt san aon ghnìomh air a lìbhrigeadh tro mheadhan na Gàidhlig. Ach ri linn a bhith ann an saoghal didseatach a-nis a’ ceangal dhaoine ri chèile, ’s toigh le luchd-amhairc a bhith a’ faighinn seirbheis air buinn eile cuideachd. ’S toigh leotha, cho luath ’s a bhios iad ann, gum faighear gu furasta iad, agus gum bi iad ri làimh. Tha BBC ALBA a’ miannachadh gum faigh daoine seirbheis fharsaing an taic a’ chraolaidh telebhisein, a’ toirt cothrom co-roinneil tron phròsas riochdachaidh. Chan ann a-mhàin mun gheama a bhios an gnothach ach cuideachd mun latha gu lèir a dh’fhaodadh a bhith buan sa chuimhne.
Bidh sinne a’ toirt taic dhan ro-innleachd meadhandidseatach aig BBC ALBA le bhith a’ brosnachadh dhaoine pàirt a ghabhail dhaibh fhèin agus a bhith nam pàirt de na bhios a’ dol.
Mura h-eil thu mar-thà air Facebook, ’s dòcha gur e seo an t-àm airson soighneadh suas! Thairis air an t-seirbheis spòrs gu lèir, bidh sinn a’ cleachdadh Facebook Live airson cuid de na bhios a’ dol mus tòisichear geama a ghlacadh, agus a bhith cho faisg air a sin ’s a ghabhas dèanamh. Bidh naidheachd aig a’ phreasantair air cò a tha a’ dol a chluich, agus criomagan eile a bhios daoine a’ miannachadh, agus nuair a chlàraicheas sinn agallamhan le manaidsearan airson an Tbh, cuiridh sinn a-mach iad air na meadhanan sòisealta an toiseach agus, mar sin, fiù ’s mus tig am prògram Tbh air an èadhar, bidh BBC ALBA agus an luchd-amhairc a’ co-roinn anns na bhios a’ tachairt.
Bidh sinn cuideachd ag iarraidh air luchd-amhairc sùil a chumail a-mach airson ‘Facal an Latha’, grafaig a thèid a sgaoileadh gach seachdain tro na meadhanan sòisealta, a’ comharrachadh facal a thèid a chleachdadh gu cumanta ann an aithrisean spòrs. Seallaidh an grafaig cuideachd litreachadh sònraichte a bheir cothrom fuaimneachadh a dhèanamh air an fhacal.
’S e àm air leth inntinneach a tha seo do Nemeton TV agus dhan t-seirbheis spòrs air BBC ALBA. Tha sinn air leth toilichte a bhith a’ cruthachadh eachdraidh!
Airson na mòr-chuid bidh sinn a’ libhrigeadh ball-coise, rugbaidh agus camanachd, agus bidh an seusan a’ tòiseachadh Dihaoine 4 Lùnastal le craoladh beò den gheama camanachd eadar Ceann a’ Ghiùthsaich agus Bail’ Ùr an t-slèibhe aig 17:50 air BBC ALBA.
Disathairne 5 Lùnastal, bidh sinn a’ clàradh a’ gheama ball-coise Hibs v Partick Thistle aig Easter Road agus ga chraoladh aig 17:30 air BBC ALBA.