APFEKA BRA MUMBA ‘Inyoka kwete njuzu’
kuchema.
“Kutaura chokwadi zvinhu zviri kunzi zvakaitika pamba apa zvinotyisa, kuti njuzu iwanikwe mumba here nhai? Chokwadi chinozivikanwa naivo Mai Taku nekuti isu hedu hatina kuiona, takangonzwa naivo pavakaridza mhere. “Sevanhukadzi, panguva yakazvakaitika takatya kupinda mumba mavo pamwe kudai takaionawo,” vanodaro.
VaWonder Chiherera (47), vanove muvakidzani waMai Taku zvakare, vanoti zvinoshamisa kunzwa kuti njuzu yaonekwa mumba.
“Chinotishamisa ndechekuti njuzu iri kunzi yakaonekwa mumba maamai ava pamubhedha pavo musi wacho kwakange kusiri kunaya. Ini ndinoona kunge masaramusi akaitika mumba umu, nekuti ndekekutanga muupenyu hwangu kunzwa kuti njuzu yaonekwa mumba,” vanodaro.
Tatenda Rutsito (37) anotiwo haana neremuromo. — MBUYA Efrida Meja, avo vanove godobori rinoshanda riri pasi pesangano reZimbabwe Traditional Healers Association (Zinatha), vanoti njuzu inoonekwa kudziva kana kurwizi kune mvura, kwete mumba.
“Mudzimai iyeyu ndinoona sekuti akaoneswa nyoka dzevanhu kwete njuzu nekuti njuzu chaidzo hadzionekwe mumba asi kuti kudziva, kudhamhu kana murwizi mune mvura. Ndimo madzinotambira.
“Chinhu chaakaona chinogona kuve hushereketwa hwevanhu vari kuita zvemishonga yakaipa. Ini chaiye njuzu ndakaiona ndiri kudziva rekumusha kwangu kuMalawi nekuti ndine shavi renjuzu. Asi mumba kwete, haisati yambondishanyira,” vanodaro.
Vanoti njuzu inoonekwa nevanhu vane shavi renjuzu chete, kwete munhu wese-wese.
Vanhu vane shavi renjuzu, vanodaro Mbuya Meja, havatenderwe kudarika nepane madziva kana nekuti vanogona kutorwa nenjuzu.
“Kana mudzimai uyu aine shavi renjuzu, anenge achifanira kuitirwa bira kuti shavi iroro ribude. Bira iri rinoitirwa kudziva vanhu vachirara vachiridza ngoma.
“Asi, kana asingade shavi iri achida zvekunamata, anofanira kukasika kukumbirirwa nenzira yechivanhu kuti zvivharwe asaona zvinhu zvakadaro,” vanodaro.
Vanotizve munhu ane shave renjuzu anoonekwa kazhinji kacho nekufarira kupfeka chuma chichena nezvinopenya uye anogara akatsvinda nekuti njuzu haidi zvehuchapa.